അഖിൽ മോനെ…നീ തകർത്തുകളഞ്ഞു….കഥയല്ല…എന്നെ….പ്രതീക്ഷകളെ…???

നിന്റെ എല്ലാ കഥകളും വായിക്കുകയും കൂടെ നിൽക്കുകയും ചെയ്തവനാണ് ഞാൻ… പക്ഷേ… പക്ഷേ…..

ശെരിക്കും സങ്കടം തോന്നി വായിച്ചപ്പോൾ. തുറന്നു പറയട്ടെ… ഈ പാർട്ട് ഒരു തരത്തിലും എന്നെ ഫീൽ ചെയ്യിച്ചില്ല….ആകെയൊരു നിർവികാരത???…ആർക്കോ വേണ്ടി…, അല്ലെങ്കിൽ മനസ്സ് ശെരിയല്ലാതെ എഴുതിയത് പോലെ…

ഏത് മറ്റൊരുത്തനെ മനസ്സിൽ താലോലിക്കുന്ന ഏത് പെണ്ണാടാ വേറൊരുത്തനെ ചുംബിച്ചു പ്രണയപുഷ്പം മേടിക്കുന്നത്??? ലോകത്ത് സാമാന്യ വിവരമുള്ള ഒരു പെണ്ണും ചെയ്യാത്ത കാര്യം. കാര്യം പെണ്ണും പിടക്കോഴീം ഒന്നുമില്ലേലും ഇതുവരെ പ്രണയിച്ചിട്ടില്ലേലും അത്യാവശ്യം പെണ്ണുങ്ങളുടെ മനസ്സൊക്കെ നമുക്കറിയാം കേട്ടോടാ…

പിന്നെ സെന്റി… ഒരു കണ്ണീർ സീരിയൽ പോലെ പോയി… ഓടിച്ചു വായിച്ചു അത്രമാത്രം…???

നിന്റെ കഥകൾ എങ്ങനെയായിരുന്നു എന്ന് നിന്നോട് തന്നെ പറഞ്ഞുതരണോ ഞാൻ??? ഓരോ കഥാപാത്രങ്ങളിലും ഒരു ജീവനുണ്ടായിരുന്നു നിനക്ക്… അവരുടെ ഒരു ചിരിപോലും നമുക്ക് ഫീൽ ചെയ്യുമായിരുന്നു… ഇവിടെ… ഇവിടെ അതൊന്നുമല്ല…. തീമിലല്ല അവതരണത്തിലാണ് പാളിപ്പോയത്.

(ഇത് ഞാൻ പറഞ്ഞില്ല എങ്കിൽ അടുത്ത പാർട്ടിലും ഇത് ഞാൻ കാണേണ്ടി വരും. പണ്ടൊരിക്കൽ പങ്കു ഇതുപോലെ ഒന്ന് പറഞ്ഞിരുന്നു എന്നോട്… ആ ഒറ്റ തെറിവിളി കൊണ്ടാണ് നവവധു ഹിറ്റായത് എന്നു ഞാൻ പറയും….കാരണം നമ്മുടെ ചെറിയ പ്രയോഗങ്ങൾ പോലും ആ കഥയെത്തന്നെ മാറ്റിക്കളയാം)

ഒന്നുകൂടി… എഴുതാൻ വേണ്ടിയല്ല…വായിക്കാൻ വേണ്ടി എഴുതണം… അപ്പോളാണ് അത് വായനക്കാരന്റെ മനസ്സിൽ ചൂഴ്ന്നിറങ്ങുന്നത്… നിന്റെ ലച്ചുവിനെ ഇതുവരെ വായിച്ചവരിലാരും മറക്കാത്തതും അതുകൊണ്ടാണ്… കാരണം സെന്റിയിലല്ല എഴുത്തുകാരന്റെ മനസ്സിലാണ് ആ കഥാപാത്രം പൊട്ടിപ്പുറപ്പെട്ടത്…. നിനക്കറിയാമായിരുന്നു അവളെ… പക്ഷേ… ഇവിടെ താരയെ നീ അറിഞ്ഞില്ല…അത്രമാത്രം..തുറന്നുപറയാം ഈ ഫ്ലോയിലാണ് നീയത് പൂർത്തിയാക്കുന്നത് എങ്കിൽ അടുത്ത കഥവരെയല്ല, അടുത്ത ദിവസംവരെപ്പോലും ഈ കഥ ആരും ഓർത്തിരിക്കില്ല ??

(ചങ്കിൽ കുത്തിയാൽ ചോരയല്ല മനസ്സാണ് പുറത്തേക്ക് വരുന്നത്… ഇനിയും കുത്തുന്നില്ല… അടുത്ത ഭാഗതിനായി കാത്തിരിക്കുന്നു… അതൊരു തിരിച്ചുവരവാവട്ടെ???)

ഇത്രയൊക്കെ പറഞ്ഞത് നീയെന്റെ ചങ്ക് ആയതുകൊണ്ട് മാത്രം… ഇല്ലെങ്കിൽ..ഒറ്റ വാക്കിൽ തീർത്തേനെ ഞാൻ…

ഹൃദയപൂർവ്വം

ജോ