മൂടൽ മഞ്ഞ് 1 [ലസ്റ്റർ] 173

‘ അല്ല, ഇപ്പൊ തേയിലപ്പൊടിയുടെ കരാര്‍ ആണ് നമ്മള്‍ ഇവരുമായി ധാരണ ആയിട്ടുള്ളത്. നമ്മുടെ സ്പൈസ് ുൃീറൗരെേ, മസാല ഉത്പന്നങ്ങള്‍ ഒന്നും ധാരണ ആയിട്ടില്ല. അതിന്റെ കാര്യം എങ്ങിനെയാണ്.? ‘ രാജന്‍ വിശദമാക്കി.

‘ അതൊക്കെ നമുക്ക് ആലോചിക്കാം. രാജന്‍ കാര്യങ്ങള്‍ ഒന്ന് തീര്‍പ്പ് ആക്കിയിട്ട് പോന്നോളൂ. എനിക്ക് ചെറിയൊരു തലവേദന പോലെ. ‘ അവള്‍ നെറ്റി തിരുമ്മി എഴുന്നേറ്റ് വേഗം പുറത്തേക്ക് നടന്നു. ഹോട്ടലിന്റെ പുറത്തേക്ക് ഇറങ്ങാന്‍ നേരം അവളൊന്നു നിന്നിട്ട് തന്റെ കാര്‍ ന്റെ നേരെ നോക്കി. അതില്‍ ചാരി നില്‍ക്കുന്ന വാഹിദ്. വെയിലില്‍ അവന്റെ ശരീരം ജ്വലിക്കുന്നുണ്ട് എന്നവള്‍ക്ക് തോന്നി.

അമിത വെളുപ്പ് ഇല്ലെങ്കിലും കറുപ്പ് നിശ്ശേഷം കലരാത്ത ഒരുതരം ആകര്‍ഷകമായ വെളുത്ത നിറമാണ് അവന്റേ ശരീരത്തിന്. അല്‍പ്പം ചെമ്പിച്ച നീളന്‍ മുടിക്കാട്ടില്‍ കാറ്റ് നൃത്തം ചെയ്യുന്നു. അവന്റെ തമാശ കേട്ട് എലിസബത് കൊഞ്ചിക്കുഴഞ്ഞു ചിരിക്കുന്നു. അവനും ചെറുതായി ചിരിക്കുന്നു.  അവള്‍ക്ക് ദേഷ്യം ഇരച്ചു കയറി, ചവുട്ടിതുള്ളി അവന്റെ അടുത്തേക്ക് ചെന്നു. അവളെ കണ്ടെങ്കിലും വാഹിദ് പ്രത്യേക വെപ്രാളമൊന്നും കാണിക്കാതെ എലിസബത്തിനോട് സംസാരിച്ചു കൊണ്ടിരുന്നു.

‘ നമുക്ക് പോകാം.’ അവള്‍ എലിസബത്തിനെ ഗൗനിക്കാതെ വാഹിദിനോട് അല്‍പ്പം കനപ്പിച്ചു പറഞ്ഞു. എലിസബത് ഒന്ന് മന്ദഹസിക്കാന്‍ ശ്രമിച്ചെങ്കിലും ശാരിക അതത്ര ശ്രദ്ധിച്ചില്ല. വാഹിദ് അവളോട് യാത്ര പറഞ്ഞു വണ്ടിയില്‍ കയറിയപ്പോള്‍ അവള്‍ പിന്നാലെ ചെന്നു. അവന്‍ ഗ്ലാസ് താഴ്ത്തി എന്താ എന്ന് ചോദിച്ചു.