മൂടൽ മഞ്ഞ് 1 [ലസ്റ്റർ] 173

‘ തന്റെ അമ്മൂന്റെ ഒരു കിടക്ക. വേണേല്‍ കിടന്നോ അല്ലെങ്കില്‍ പോയി അവളുടെ കൂടെ കിടക്ക്. ‘ അവള്‍ തിരിഞ്ഞു ചുരുണ്ടു കൂടി കിടന്നു.

വീടിനു പുറത്ത് രാക്കിളികളുടെ കരച്ചില്‍ അധികം ദൂരെനിന്നല്ലാതെ ഇടക്കിടക്ക് കേള്‍ക്കുന്നുണ്ട്. പുഴയുടെ വാചാലതയും ആ മുറിയിലെ നിശബ്ദതയില്‍ വ്യക്തമായി കേട്ട് കൊണ്ടിരുന്നു. രണ്ടു പേരും സംസാരിച്ചില്ല. കുറേ നേരത്തെ മൗനത്തിനു ശേഷം ശാരികയുടെ ഇടറിയ ശബ്ദത്തിലുള്ള ചോദ്യം ഉയര്‍ന്നു.

‘ അമ്മുവിനെ നിനക്ക് ഇഷ്ടമാണോ.? നിങ്ങള്‍ തമ്മില്‍ അടുപ്പത്തിലാണോ.? ‘

‘ ഒരിക്കലും അല്ല. എനിക്ക് ഇതുവരെ ഒരു പെണ്ണിനോടും പ്രണയം തോന്നിയിട്ടില്ല. അതിനൊന്നും എനിക്ക് സമയമുണ്ടായിരുന്നില്ല. അവള്‍ക്ക് എന്നോട് എന്താണെന്ന് എനിക്ക് അറിയില്ല. എനിക്ക് ഒരു മണ്ണാങ്കട്ടയും തോന്നിയിട്ടില്ല. ‘ രണ്ടാമതൊന്ന് ആലോചിക്കാതെ അവന്‍ വ്യക്തമായി പറഞ്ഞു.

‘ ഓഹ്.. ഒരു വല്യ കാമദേവന്‍. ഏത് പെണ്ണും കണ്ടാല്‍ മയങ്ങിവീഴുമെന്നാവും ചിന്ത. ചിമ്പാന്‍സിയുടെ കോലവും കാമദേവന്റെ ജാഡയും. ‘ അവള്‍ കളിയാക്കി. ഇടറിയ സ്വരം എങ്ങോട്ടാ പോയി മറഞ്ഞിരിക്കുന്നു. എത്ര പെട്ടന്നാണ് അവള്‍ ഉത്സാഹവതിയും ഉല്ലാസവതിയുമായി മാറിയത്. അവന്‍ അത്ഭുതപ്പെട്ടു. ചുമ്മാ അവളുടെ തമാശ ആസ്വദിച്ചു കുത്തിയിരുന്ന വാഹിദിനെ അവള്‍ വലിച്ചു മെത്തയിലേക്കിട്ട് ഒരു കൈകൊണ്ട് അവന്റെ നെഞ്ചിലൂടെ ചുറ്റിപ്പിടിച്ചു തന്റെ മുഖവും ശരീരവും അവന്റെ ശരീരത്തിലേക്ക് ചേര്‍ത്തു ഒരു കുഞ്ഞിനെ പോലെ കിടന്നിട്ട് അവനോട് സ്വകാര്യം പറഞ്ഞു.