മൂടൽ മഞ്ഞ് 1 [ലസ്റ്റർ] 174

‘ അറിഞ്ഞിടത്തോളം അവനൊരു മരമാണ് മാഡം.അത് കൊണ്ട് ആരും ഇത്തരം കാര്യങ്ങള്‍ പറഞ്ഞു കേട്ടിട്ടില്ല. പക്ഷെ.. ‘ അയാള്‍ നിന്ന് പരുങ്ങുന്നത് പോലെ അവള്‍ക്ക് തോന്നി.

ശാരികയുടെ പുരികങ്ങള്‍ വളഞ്ഞു. അവള്‍ സംശയത്തോടെ കര്യം തിരക്കി.

‘ അതെന്താ രാജന്‍ ഒരു പക്ഷെ.? അപ്പൊ എന്തോ ഒരു പക്ഷെ അവിടെ മുഴച്ചു നില്‍ക്കുന്നുണ്ടല്ലോ. ‘ ശാരിക ഗൗരവത്തില്‍ പറഞ്ഞു. പറയണോ വേണ്ടയോ എന്ന് ഒരുവേള സന്ദേഹിച്ചു നിന്നിട്ട് രാജന്‍ പറഞ്ഞു.

‘ ആള് ചെറുപ്പമാണ്, മാഡത്തിന്റെ അതെ പ്രായമേ വരൂ. പക്ഷെ ആളൊരു തന്റെടിയാണ്, പിന്നെ അഭിമാനിയും.’ അയാള്‍ പറഞ്ഞു.

‘അത് കൊണ്ട്? ഇവിടെ ജോലി നോക്കുന്നവര്‍ ഒന്നും അഭിമാനം ഇല്ലാത്തവര്‍ ആണെന്നാണോ?’ അവള്‍ കടുത്ത സ്വരത്തില്‍ ചോദിച്ചു.

‘ അയ്യോ അങ്ങനെ അല്ല മാഡം. പറയുന്നത് കൊണ്ട് എന്നോട് അനിഷ്ടം ഒന്നും തന്നില്ലെങ്കില്‍.. ‘ അയാള്‍ അര്‍ദ്ധ ശങ്കയില്‍ ഒന്ന് നിര്‍ത്തി.

‘ താന്‍ കാര്യം പറയെടോ. ‘ അല്‍പ്പം ഈര്‍ഷ്യയോടെ അവള്‍ അയാളെ അനുവദിച്ചു. രാജന്‍ ഒന്ന് ശങ്കിച്ചതിനു ശേഷം തുടര്‍ന്നു:

‘ മാഡം ജോലിയുടെ കാര്യത്തില്‍ എത്ര ുലൃളലര േആണെന്ന് ഞങ്ങള്‍ക്കൊക്കെ അറിയാം. അത് കൊണ്ട് തന്നെ എത്ര സ്ട്രിക്ട് ആണെന്നും. പക്ഷെ ദേഷ്യത്തിന്റെ പുറത്തു എന്തെങ്കിലും അമിതമായി പറഞ്ഞു പോയാല്‍ അവന്‍ അതെ പോലെ റിയാക്റ്റ് ചെയ്യും. ആൗ േഎനിക്ക് വിശ്വസിച്ചു കൂടെ നിര്‍ത്താന്‍ ഇവനെക്കാള്‍ നല്ലൊരു വ്യക്തിയെ കണ്ടെത്താന്‍ കഴിയില്ല മാഡം.’ അയാള്‍ ഉറച്ച ശബ്ദത്തില്‍ പറയുന്നത് അവള്‍ കേട്ടു.