മൂടൽ മഞ്ഞ് 1 [ലസ്റ്റർ] 174

യുവാവ് അമ്മുവിന്റെ ശരീരത്തിലേക്ക് നോക്കാതെ ഊരിപ്പോയ പാന്റ് എടുത്തു നീട്ടി. വാവിട്ട് കരഞ്ഞു കൊണ്ട് അവള്‍ അത് വാങ്ങി ഉടുത്തു. കീറിപ്പോയ മേല്‍വസ്ത്രം ഇട്ടിട്ട് അത് കൈ കൊണ്ട് ചുറ്റിപ്പുടിച്ചു നഗ്‌നത മറക്കാന്‍ ശ്രമിച്ചപ്പോള്‍ അയാള്‍ തന്റെ ഷര്‍ട് ഊരിക്കൊടുത്തു. പിന്നെ അവളെ ചേര്‍ത്ത് പിടിച്ചു റോഡിലേക്കിറങ്ങി. മൊബൈല്‍ ഫോണും വമിറ പേഴ്‌സും എവിടെയോ വീണിട്ടുണ്ട്. അവള്‍ക്ക് അതൊന്നും ഓര്‍മ്മയില്ല. അയാള്‍ തന്നെ അമ്മുവിന്റെ അച്ഛന്റെ നമ്പറിലേക്ക് തന്റെ ഫോണില്‍ നിന്ന് വിളിച്ചു അമ്മു നില്‍ക്കുന്ന സ്ഥലം പറഞ്ഞു കൊടുത്തു. കാര്യം അറിയാതെ കാറുമായി വന്ന രാജന്‍ കണ്ട കാഴ്ച!

ഇവനോ..? ആ യുവാവിനെ നിലാവെട്ടത്തില്‍ മനസ്സിലായ രാജന്റെ രക്തം തിളച്ചു. അയാളുടെ കണ്ണുകളില്‍ ക്രോധം ജ്വലിച്ചു. ആ യുവാവിനെ ആക്രമിക്കാന്‍ വേണ്ടി രാജന്‍ ശ്രമിച്ചപ്പോള്‍ അമ്മു പൊട്ടിക്കരഞ്ഞു കൊണ്ട് ക്ഷീണിച്ച കൈകള്‍ കൊണ്ട് അരുതെന്ന് പറഞ്ഞ്, പിന്നെ യുവാവിന്റെ നെഞ്ചിലേക്ക് വീണ് കൈകൂപ്പി കരഞ്ഞു. ഒന്നും മനസ്സിലാവാതെ അന്ധാളിച്ചു പോയ രാജന്‍ തന്റെ പൂമ്പാറ്റകുഞ്ഞിനെ ചേര്‍ത്തു പിടിച്ചു നിറകണ്ണുകളുമായി വാഹനത്തിലേക്ക് തലയും കുനിച്ചു നടന്നു പോയി. റോഡിലേക്ക് കേറുന്നതിനിടയില്‍ രാജന്‍ ഒന്ന് നിന്നു.

‘ താന്‍ ഡാമില്‍ വീണു മരിച്ചു പോയ കോയയുടെ മകനല്ലേ. ‘? ഇന്നര്‍ ബനിയന്‍ മാത്രമിട്ട് തന്റെ പിന്നില്‍ നടന്ന് വരുന്ന യുവാവിനോട് അയാള്‍ ചോദിച്ചു. അതെ എന്ന് മൂളിയിട്ട് ആ യുവാവ് തന്റെ പഴഞ്ചന്‍ ബുള്ളെറ്റ് ന്റെ അടുത്തേക്ക് ഒന്നും സംഭവിക്കാത്തത് പോലെ നിസ്സാരനായി നടന്ന് പോയി. അതില്‍ കേറി ശരവേഗം ഓടിച്ചു പോയി. ഇരുട്ടില്‍, നിശബ്ദതയില്‍ ആ വാഹനത്തിന്റെ ശബ്ദം നേര്‍ത്തില്ലാതാവുന്നത് വരെ അമ്മു കാറില്‍ കയറാതെ അയാള്‍ പോയ ഭാഗത്തേക്ക് നോക്കികൊണ്ട് നിന്നു.