മൂടൽ മഞ്ഞ് 4 [ലസ്റ്റർ] [Climax] 120

അവൾ ഓടി വാതിൽ തുറന്നു. പക്ഷേ അത് പുറത്തു നിന്ന് ലോക്ക് ചെയ്തിട്ടുണ്ട്.

അവൾ നിലവിളിച്ചു കൊണ്ട് ജാലത്തിലേക്ക് ഓടി.

ഇക്ക രണ്ട് പേരെ കൈകൊണ്ട് കഴുത്തിൽ ചുറ്റിപ്പിടിച്ചു വായുവിലേക്ക് ഉയർന്നു ചാടി മുന്നിലുള്ളവന്റെ മുഖത്ത് തൊഴിക്കുന്നു. അവൻ ഒരു നിലവിളിയോടെ ദൂരേക്ക് തെറിച്ചു വീഴുന്നു. പിന്നെ ഒന്ന് വട്ടം കറങ്ങി ഒരുത്തന്റെ കഴുത്ത് പിരിക്കുന്നു. മറ്റവൻ ആ പിടുത്തത്തിൽ നിന്ന് ഊർന്ന് മാറി ഇക്കയുടെ പുറത്തു ചവിട്ടുന്നു.

“ഇക്കാഹ്..” അവൾ കൂകി നിലവിളിക്കാൻ തുടങ്ങി. ചാടി എഴുന്നേറ്റ് വാഹിദ് തന്നെ ചവൂട്ടിയവനെ കൈ മടക്കി താടിയെല്ലിന് ഇടിച്ചു. അവനൊന്നു ഞരങ്ങി. ഒപ്പം വാഹിദ് അവന്റെ പിന്നിലേക് മാറി കഴുത്തിൽ ചുറ്റിപ്പിടിച്ചു. എന്നിട്ട് ഒന്ന് പുറം തിരിഞ്ഞു തന്റെ മുന്നിലേക്ക് ആ അക്രമിയെ പിന്നിലൂടെ പൊക്കിയെടുത്തു ആഞ്ഞൊരു അടിയടിച്ചു.

നടുവൊടിഞ്ഞു എഴുന്നേറ്റ് നിൽക്കാൻ വയ്യാതെ അവൻ ഇഴഞ്ഞു നീങ്ങി. ഉസ്മാൻ കഴിയുന്നതും എതിർക്കാൻ ശ്രമിക്കുന്നു. പക്ഷേ മൂന്നുപേർ അവനെ ചുറ്റിനിന്നു കീഴ്പ്പെടുത്തി. വാഹിദ് അവർക്ക് നേരെ കുതിച്ചു ചെന്ന് ഓരോരുത്തരെയായി ചവുട്ടി തെറിപ്പിച്ചു. അവർ എഴുന്നേറ്റ് വന്നു അരയിൽ നിന്ന് ചെയിൻ എടുത്ത് ചുഴറ്റി വീശാൻ തുടങ്ങി. ഉസ്മാൻ ഓടി മാറി.

വാഹിദ് ഒഴിഞ്ഞു മാറി ഒഴിഞ്ഞു മാറി കിട്ടിയ ഗ്യാപ്പ് മുതലെടുത്തു ഒരുത്തന്റെ മുന്നിലേക്ക് വലിഞ്ഞു കയറി അവന്റെ കൈക്കു കേറിപ്പിടിച്ചു തിരിച്ചു. അവൻ നിലവിളിയോടെ ചെയിൻ താഴെയിട്ടു. ഇതിനകം മറ്റുള്ളവരുടെ ചെയിൻ ആക്രമണം വാഹിദിന്റ പുറത്തും കൈയിലും മറ്റും മുറിവേൽപ്പിച്ചു. അവന്റെ വെളുത്ത നിശാ വസ്ത്രം ചുവന്നു. ശാരിക അലറി വിളിച്ചു തലകറങ്ങി നിലത്തേക്ക് ഊർന്ന് വീണു. വാഹിദ് തന്റെ കൈയിൽ കിട്ടിയവന്റെ കഴുത്തു പിടിച്ചു തിരിച്ചപ്പോൾ അവൻ ബോധം മറഞ്ഞു പിന്നിലേക്ക് മലർന്നു വീണു.