10:30 ആയപ്പോഴേക്കും തിരിച്ചു റൂമിൽ എത്തി കുളിച്ചു കിടക്കാൻ നോക്കുമ്പോൾ ഫോൺ എടുത്തപ്പോൾ ആണ് അവൾ നേരത്തെ അയച്ച മെസ്സജിന്റെ നോട്ടിഫിക്കേഷൻ കിടക്കുന്നത് കാണുന്നത്. നോക്കുമ്പോൾ അവൾ ഓൺലൈനിലും ഉണ്ട്.
നീ കഴിക്കുവോ എന്ന് ഞാൻ ചോദിച്ചു.
അതെന്നാ നിങ്ങൾക്ക് മാത്രേ ഇത് കഴിക്കാൻ പറ്റുവൊള്ളോ എന്ന് ഉണ്ടോ എന്ന് ചോദിച്ചപ്പോ അങ്ങനെ അല്ല നീയും കഴിക്കുന്നതാണോ എന്നെ ചോദിച്ചൊള്ളു എന്ന് പറഞ്ഞു അവസാനിപ്പിച്ചു. ഇടക്ക് കഴിക്കും, കസിൻസ് ഒക്കേ കൂടിയപ്പോ ഒന്ന് രണ്ട് വട്ടം കഴിച്ചിട്ടുണ്ട് എന്നും, ബുള്ളറ്റ് ആണ് ഏറ്റവും ഇഷ്ടം എന്നും അവൾ മറുപടി പറഞ്ഞു. പിന്നെയും അവളുടെ ചോദ്യം മീനുവിലേക്ക് എത്തി.
മീനു ചേച്ചി കഴിക്കുവോ, നിങ്ങൾ ഒരുമിച്ച് കഴിച്ചിട്ടുണ്ടോ എന്നൊക്കെയായി… ഞാൻ എല്ലാത്തിനും മറുപടി പറഞ്ഞപ്പോൾ വീണ്ടും കിട്ടുവാണേൽ സാറിനെ പോലെ ഒരാളെ കിട്ടണം എന്ന് അവൾ പറഞ്ഞു. ബിയർ അടിച്ചതിന്റെ മൂടിലും ഇവളുടെ ചോദ്യത്തിന്റെ മൂടിലും എന്നാ ഞാൻ നിന്നെ കെട്ടിയാലോ എന്നു ഞാൻ ചോദിച്ചു. കുറച്ചു നേരത്തേക്ക് മറുപടി ഒന്നും കണ്ടില്ല.
ചോദിച്ചത് അബദ്ധം ആയി എന്ന് മനസ്സിലാക്കി ഫോൺ ചാർജ് ചെയ്യാൻ വെച്ച് കിടന്ന് ഉറങ്ങിപോയി. രാവിലെ 6:30ക്ക് അലാറം അടിച്ചപ്പോ പതിവ് പോലെ ഫോൺ എടുത്ത് നോക്കിയപ്പോ അവളുടെ കുറെ മെസ്സേജുകൾ കിടക്കുന്നത് കണ്ടു.
അവളുടെ അച്ഛന്റെ വകേൽ ഒരു ചെക്കനും ആയി അവളുടെ കല്യാണം പറഞ്ഞു വെച്ചതാണ് എന്നും അച്ചൻ മരിച്ചപ്പോ കല്യാണം നീട്ടി വെച്ചേക്കുവാണ് എന്നും ചെക്കൻ വിദേശതാണ് എന്നും അടുത്ത വർഷം ലീവിന് വരുമ്പോ കല്യാണം ഉണ്ടാകുമെന്നും ഒക്കേ ആയിരുന്നു മെസ്സജിൽ.
