മുഹബ്ബത്തിന്റെ പട്ടുറുമാൽ [വിനു srk] 1659

വിനു ഇതു കൊറിയർ ചെയ്യാൻ ഒരുപാട് പൈസയാവില്ലേ?
അതെത്രയാണെങ്കിലും ഞാൻ കൊടുക്കാം..

പിന്നെ അവൾ നിർബന്ധിക്കാൻ നിന്നില്ല..

ഇത്തയുടെ ഫ്ലാറ്റ് ഇവിടെ അടുത്താണോ?

ദാ ആ കാണുന്ന ബിൽഡിങ്ങിന്റെ പിറകിൽ..

എങ്കിൽ വാ നമുക്കു നടക്കാം..
വിനു വല്ലതും കഴിച്ചോ?

റൂമിൽ ഫുഡ്‌ ഉണ്ടാകും ഞങ്ങൾ 3 പേരുകൂടിയാണ് താമസം..

വിനുവിന്റെ വീട്ടിൽ ആരൊക്കെ ഉണ്ട്…

അച്ഛൻ അമ്മ.. പെങ്ങൾ..
വിനുവിന് അനിയത്തി ഉണ്ടോ?
എന്റെ മൂത്ത
ചേച്ചിയാണ്..
ഹസ്‌ബെന്റിന് ഒപ്പം ഖത്തറിൽ ആണ് അവൾക്കു ഒരു കുഞ്ഞുണ്ട്.
. അങ്ങനെ ഓരോന്നു സംസാരിച്ചു അവർ പിരിഞ്ഞു…

പിറ്റേന്ന് വെളുപ്പിന് തന്നെ വിനു നാട്ടിലേക്ക് പുറപ്പെട്ടു..ഉച്ചക്ക് ശേഷം വീട്ടിലെത്തി.
.അടുത്ത ദിവസം തന്നെ റസിയയുടെ വീട്ടിലേക്ക് അവൻ കൊറിയർ ചെയ്തു…
രണ്ടുമൂന്നു ദിവസങ്ങൾ വീണ്ടും കടന്നു പോയി ..ഇതിനിടയിൽ അവന്റെ കസിൻ സിസ്റ്ററുടെ വിവാഹം കഴിഞ്ഞു..

ഡാ വിനു നീ മാമന്റെ കൂടെ ഒരു ഇടം വരെ പോകണം..

എന്തിനാണ് അമ്മേ..

മാമിയുടെ ബന്ധത്തിൽ ഒരു പെണ്ണ് ഉണ്ടത്രേ ഡിഗ്രി കഴിഞ്ഞ തേ ഉള്ളൂ..

ഇപ്പോൾ കല്യാണം ഒന്നും വേണ്ട അമ്മേ അമ്മയ്ക്കു അറിയാലോ പഴയ കാര്യമൊക്കെ…
കഴിഞ്ഞതിനെപ്പറ്റി ഇനി ചിന്തിക്കേണ്ട മാധവൻ എല്ലാ ദിവസവും നിന്നെപ്പറ്റി പറയും.

മാമന്റെ ഞാൻ കുറ്റമൊന്നും പറയില്ല അവൾ അവളുടെ തീരുമാനം എടുത്തതല്ലേ അമ്മേ…

അവൾ പോട്ടെടാ നിനക്ക് വേറെ കരുതിയിട്ടുണ്ടാകും ഈശ്വരൻ..

ഞാൻ എവിടെയും പോകുന്നില്ല അഞ്ചാറു ദിവസം കഴിഞ്ഞാൽ ഞാൻ ദുബായിക്ക് തിരിച്ചു പോകും.
. അടുത്ത വരവിൽ നോക്കമ്മേ….
എങ്കിൽ അവന്റെ വീടുവരെ ഒന്ന് പോകണം..വിളിച്ചത് അല്ലേ?