മുനി ടീച്ചർ 5 [Decent] 286

രാവിലെ ലിസിമ്മ റൂമിൽ വന്നു വിളിക്കുന്നത് കേട്ടാണ് ഉണർന്നത്. “എണീറ്റ് വാ… മുരളി ചേട്ടൻ വന്നിട്ടുണ്ട്. ടീച്ചറെയും ചേട്ടനെയും ഒന്ന് റെയിൽവേ സ്റ്റേഷൻ വരെ വിട്ടിട്ടു വാ.”

“നേരം എത്രയായി?” ഇതു ചോദിച്ചപ്പോഴാണ് ഞാൻ ബെഡ്ഷീറ്റിൽ പൊതിഞ്ഞ രൂപത്തിലാണ് കിടക്കുന്നതെന്നു മനസ്സിലായത്. രാത്രിയിൽ നടന്നതെല്ലാം അപ്പോഴാണ് മെല്ലെ മെല്ലെ മനസ്സിലേക്ക് ഇഴഞ്ഞുവരാൻ തുടങ്ങിയത്. എന്റെ മേൽ വസ്ത്രങ്ങളൊന്നുമില്ല. എന്നെ വിളിച്ചിട്ട് ലിസിമ്മ നേരെ താഴേക്ക് പോയത് നന്നായി.

“പത്തു മണി… ബ്രേക്ക്ഫാസ്റ്റ് പിന്നെ കഴിക്കാം. നീ അവരെ വിട്ടിട്ടു വാ…” ഇതുപറയുമ്പോൾ ലിസിമ്മ കോണിയിറങ്ങുകയായിരുന്നു.

എനിക്കൊന്നും മനസിലാവുന്നില്ല. ചുരുങ്ങിയത് നാലുനാൾ കൂടി ടീച്ചർ ഇവിടെയുണ്ടാവുമെന്നാണല്ലോ പറഞ്ഞിരുന്നത്. ഉറക്കച്ചവ മാറുന്നില്ല. ഒന്നും ഓർമയിൽ തെളിയുന്നില്ല. എന്തുപറ്റി ഇപ്പോൾ ടീച്ചർക്ക് പെട്ടെന്ന് പോകാൻ? ടീച്ചർ നാളെ പോകുമെന്ന് രാത്രി പറഞ്ഞത് മെല്ലെ മെല്ലെ മനസിലേക്കിഴഞ്ഞു വന്നു. ഞാൻ എഴുന്നേറ്റു നേരെ ബ്രെഷ് ചെയ്തു ഡ്രസ് മാറ്റി ഒരുവിധം മുടിയൊക്കെ നേരെയാക്കി താഴെയിറങ്ങി. ലിസിമ്മ അടുക്കളയിലാണ്. ഞാൻ നേരെ അവിടേക്കു പോയി.

“ചേട്ടനും ടീച്ചറും എവിടേക്കാ?” ഞാൻ അറിയാത്തപോലെ ചോദിച്ചു.

“അവർക്ക് പെട്ടെന്ന് പോകേണ്ടി വന്നു. മുരളിയുടെ ജോലി ഇങ്ങനെയാ. എപ്പോഴാ പോകുക വരിക എന്നൊന്നും പറയാൻ പറ്റില്ല.”

ഒന്നും മിണ്ടാതെ ഞാൻ ഫ്ലാസ്കിൽ നിന്ന് അല്പം ചായയെടുത്തു മൊത്തി അവിടെത്തന്നെ നിന്നു.