മൈ ഡിയർ യക്ഷി 4 [Ganesh Gaitonde] 360

പെട്ടെന്ന് ഫോണിലെ അലാറം മുഴങ്ങിയാണ് ഞാൻ എഴുന്നേൽക്കുന്നത്… ബാങ്ക് ജോലിക്കായുള്ള തയാറെടുപ്പുകൾക്ക് ഇന്നുമുതൽ കൂടുതൽ ശ്രദ്ധ കൊടുക്കുവാൻ തീരുമാനിച്ചിരുന്നു… അതുകൊണ്ട് തന്നെയാണ് നേരത്തെ എഴുന്നേൽക്കാൻ തീരുമാനിച്ചതും… 7 മണി ഇത്ര നേരത്തെ ആണോന്നു ആർക്കെങ്കിലും തോന്നാം.. പക്ഷേ എന്നെ സംബന്ധിച്ച് നേരത്തെ ആണ്… പ്രത്യേകിച്ച് പരിപാടി ഇല്ലാത്ത ടൈം ആണല്ലോ ഇത്.. അതുകൊണ്ട് പറയെവേണ്ട…

ഞാൻ ബെഡ്ഡിൽ നിന്ന് എഴുന്നേറ്റിരുന്നു…. തൊട്ടുമുൻപ് കണ്ട ആ സ്വപ്നത്തിലെ എൻ്റെ സഖിയുടെ ആ മനോഹരമായ മുഖം കാണുവാൻ ഒരു നിമിഷം ഞാൻ കണ്ണടച്ചിരുന്നു…

അതെ.. അത് അവൾതന്നെയാണ്… നാളിതുവരെ എൻ്റെ നിഴൽ പോലെ കൂടെ ഉണ്ടായിരുന്നവൾ… എൻ്റെ ഓരോ ചലനങ്ങളും നിശ്വാസവും തിരിച്ചറിയുവാൻ കഴിവുള്ളവൾ… എൻ്റെ അമ്മു… എൻ്റെ പ്രാണൻ…. കഴിയില്ല എനിക്ക് ഈ ജന്മം ഒരു നിമിഷം പോലും ഇവളില്ലാതെ ജീവിക്കുവാൻ…

വേറൊരു കാര്യവും ഉറപ്പായി, ഇന്നലെയും സ്വപ്നത്തില് കണ്ടത് അമ്മുവിനെ തന്നെയാണ്… അതും എൻ്റെ ഭാര്യയായി… ഇതെല്ലാം ഓർത്ത എൻ്റെ ചുണ്ടിൽ ഒരു പുഞ്ചിരി വിടർന്നു..

ഏയ്..ഞാനിതെന്തൊക്കെയാ ചിന്തിക്കുന്നത്… ആവശ്യമില്ലാതെ പ്രതീക്ഷകൾ മനസ്സിന് നൽകരുത്….. ഇങ്ങനെയെല്ലാം എൻ്റെ മനസ്സിന് തോന്നുന്നതായിരിക്കും… പക്ഷേ അത് എന്തുകൊണ്ടാണെന്നതിൽ എനിക്ക് ഉത്തരമില്ല… അമ്മുവിന് എന്നെയാണ് ഇഷ്ടം, അവളെ ഞാൻ മാത്രം ഇഷ്ടപ്പെട്ടാൽ മതി എന്നൊക്കെ ഇടക്ക് പറയുന്നതാണ്… ഈ അടുത്തായി അത് കൂടിയിട്ടും ഉണ്ട്… ഇനി അമ്മുവിനും അങ്ങനെ ആണോ… അതോ ഒരു ചേട്ടനോടെന്നുള്ള സ്നേഹത്തിൻ്റെയും എന്നിലുള്ള സ്വാതന്ത്ര്യത്തിൻ്റെയും പുറത്ത് പറയുന്നതാണോ… തുടരെ തുടരെ ഈ ചിന്തകൾ എന്നെ പിന്തുടരുന്നു….