അവന്റെ ആത്മാർത്ഥമായ ജോലിയിൽ അവനു കൂടുതൽ അവസരവും പ്രൊമോഷനും ലഭിച്ചു. അതിന്റെ ഇടയിൽ ചെറിയ ചെറിയ സൈഡ് ബിസിനസ് ഒക്കെ ചെയ്തു …. സൗമ്യയും നല്ല ഒരു ജോലിയിൽ കയറി മോനെ സ്കൂളിൽ ചേർത്ത് ….
ദീപകിന്റെ ഫോൺ റിങ് ചെയ്തു …. സൗമ്യയുടെ അച്ഛൻ ആയിരുന്നു
“മോനെ , ഞങ്ങൾ ഇവിടെ എത്തി ….
“എല്ലാരും ലേബർ റൂമിന്റെ അവിടെ ആണ് അച്ഛാ … അങ്ങോട്ട് ചെന്നൊള്ളു , ഞാൻ ക്യാന്റീനിൽ ആണ്
“ആഹ്ഹ ശരി …..
കണ്ണന് ഫുഡ് മേടിച്ചു കൊടുത്തു തിരിച്ചു ലേബർ റൂമിന്റെ അടുത്തേക്ക് വന്നു …
1/2 മണിക്കൂർ കഴിഞ്ഞു ….
“സൗമ്യ പ്രസവിച്ചു ….. പെൺ കുഞ്ഞാണ് ട്വിൻസ് ആണേ ….
ദീപകിന്റെയും സൗമ്യയുടെ അച്ഛനും അമ്മയും സന്തോഷം കൊണ്ട് പരസ്പരം എന്തൊക്കെയോ സംസാരിച്ചു …
“ട്വിൻസ് ആണെന്ന് നേരത്തെ അറിഞ്ഞത് അല്ലെ നീ എന്താ മോനെ പറയാഞ്ഞത് ….
“അത് നിങ്ങൾക്കു ഒരു സർപ്രൈസ് ആയിക്കോട്ടെ എന്ന് വെച്ചാണ് ….
“എല്ലാം ദൈവത്തിന്റെ അനുഗ്രഹം ….
സൗമ്യയുടെ ‘അമ്മ : മോനെ കണ്ണാ … നിനക്കു കളിക്കാൻ ഒന്നിന് പകരം 2 പേരെ കിട്ടിയല്ലോ ….
“ആണോ അച്ഛാ ?
“അതേടാ …
“അവർ എപ്പോളാ എന്റെ കൂടെ കളിച്ചു തുടങ്ങുന്ന ….
“അതൊക്കെ സമയം ആകുമ്പോൾ കളിച്ചു തുടങ്ങും …
“എനിക്കു അവരെ കാണാൻ പറ്റുമോ ?
“കുറച്ചു കഴിഞ്ഞു നേഴ്സ് ചേച്ചി കാണിക്കും പെട്ടന്നു കാണിക്കാൻ പറ്റില്ല …
“എങ്കിൽ ഞാൻ അവരെ കണ്ടിട്ടേ ഇന്ന് ഉറങ്ങുന്നൊള്ളു ….
അതും പറഞ്ഞു അവൻ ദീപകിന്റെ അമ്മയുടെ അടുത്ത് പോയി ഇരുന്നു ….
കണ്ണൻ മോന് ദീപകിന്റെ വീട്ടുകാരോട് ആണ് കൂടുതൽ അടുപ്പം …. അതിനു കാരണം കല്യാണം കഴിഞ്ഞു ആദ്യത്തെ കുറച്ചു വർഷങ്ങൾ സൗമ്യയുടെ വീട്ടുകാർ നല്ല എതിർപ്പ് ആയിരുന്നു …
