മൈ ഡീമൻ 3 [മഹി] 104

 

 

 

“എ… എന്താ നോക്കുന്നെ….”

 

അനുദ്രയുടെ ശബ്ദം വിറകൊണ്ടു….അവൾ സ്വയം ചുണ്ടിലൊന്ന് വിരൽ തൊട്ടു….

 

 

 

“കോഫീ പൌഡർ….”

 

 

 

 

“ഇവിടെ… ഇവിടെ ഇരിപ്പുണ്ട്…”

 

 

അവൾ ഷെൽഫിന്റെ ഒരു അറ്റത്തുനിന്നും കോഫീ പൌഡർ എടുത്തു അവന്റെ കൈയിൽ വച്ചുകൊടുത്തു….

 

ഇടതുകൈകൊണ്ട് അവൻ കോഫി ഉണ്ടാക്കുന്നത് അനുദ്ര നോക്കി നിന്നു…. ഒടുവിൽ ഒരു മഗ് കോഫി തന്റെ നേരെ നീണ്ടുവന്നതും അവൾ ഞെട്ടലോടെ അവന്റെ മുഖത്തേക്ക് നോക്കി….

 

“തല വേദന കുറയും….. ”

 

 

 

 

ജോഷ്വ പറഞ്ഞതും അവൾ യന്ത്രികമായി അവന്റെ കൈയിൽ നിന്നും കോഫി വാങ്ങി ചുണ്ടോണ്ട് ചേർത്തു….

 

 

 

“ആഹാ….”

 

കോഫിയുടെ സ്വാദ് നാവിൽ തൊട്ടതും അവൾ അറിയാതെ പറഞ്ഞു…. ജോഷ്വയുടെ ചുണ്ടുകളിൽ ലളിതമായൊരു പുഞ്ചിരി മിന്നിമാഞ്ഞു

 

 

ആ ചുണ്ടുകൾക്ക് ഇത്ര ഭംഗി…. കണ്ണുകളിലെ തിളക്കം…. അവന്റെ മുഖത്തേക്ക് നോക്കിയ അനുദ്രക്ക് എന്തോ ഹൃദയത്തിൽ വീണ് ഉടയുന്നതുപോലെ അനുഭവപ്പെട്ടു….

 

 

കോഫി യും കൈയിൽ പിടിച്ച് നടന്നുപോകുന്ന ജോഷ്വയെ അനുദ്ര കണ്ണെടുക്കാതെ നോക്കി നിന്നു…..

 

 

ഹാളിലേക്ക് വന്ന ജോഷ്വയെ കണ്ട്, കാശിയുടെ മുറിയിൽ നിന്ന് ഇറങ്ങി വന്ന നാൻസി പുഞ്ചിരിച്ചു…അവളോട് സംസാരിക്കാൻ താല്പര്യം ഇല്ലാത്തതുപ്പോലെ അവൻ അവളെ വെറുതെ നോക്കി…

 

“ജോഷ്വ നേരത്തെ എഴുന്നേറ്റോ…”