മൈസൂരിലെ മഞ്ഞുള്ള രാത്രി 1 [സ്പൾബർ] 895

 

 

“ അത്… മാഡം… എനിക്കല്ല പറയാനുള്ളത് ഞങ്ങൾക്കെല്ലാം കൂടിയാണ്…”..

 

 

ചെറിയൊരു പരുങ്ങലോടെ സുരേഷ് പറഞ്ഞു..

 

 

“ഓഹോ… എന്താ എല്ലാരും കൂട്ടി യൂനിയൻ ചേർന്ന് പറയാനുള്ളത്… ?.. കേൾക്കട്ടെ… “..

 

 

“ അത്… മാഡം… അടുത്തയാഴ്ച നാല് ദിവസം തുടർച്ചയായി അവധിയല്ലേ… ?.

എല്ലാരും കൂടി ഒരു യാത്ര പോയാലോന്ന് ഒരാലോചന… “..

 

 

“ അതിനെന്താ… പൊയ്ക്കോളൂ… അവധിദിവസം യാത്ര പോകുന്നതിന് മേലുദ്യോഗസ്ഥന്റെ അനുവാദം

വേണ്ട… “…

 

 

“അയ്യോ… അതല്ല മാഡം… ഈ… യാത്രയിൽ… മാഡം കൂടി വരണം…”..

 

 

ഒരു പൊട്ടിത്തെറി പ്രതീക്ഷിച്ച് സുരേഷ് ഒരടി പിറകിലേക്ക് നീങ്ങി നിന്നു.. എന്നാൽ അംബികയൊന്ന് പുഞ്ചിരിക്കുയാണ് ചെയ്തത്.. അത് കണ്ട് എല്ലാർക്കും അൽഭുതമായി.. മാഡത്തിന്റെ ഒരു ചിരി കാണുകയെന്നാൽ അപൂർവ്വമായി സംഭവിക്കുന്ന കാര്യമാണ്..

 

 

“ഉം… നിങ്ങളെല്ലാരും പോയിട്ട് വാ..

എന്നെ പ്രതീക്ഷിക്കണ്ട… പിന്നെ, ടൂറ് പോവുന്നതൊക്കെ കൊള്ളാം… അവധി കഴിഞ്ഞ് പിറ്റേന്ന് ജോലിക്ക് വന്നില്ലെങ്കിൽ എന്റെ സ്വഭാവം മാറും പറഞ്ഞേക്കാം… “..

 

 

അംബിക ഗൗരവക്കാരിയായ മേലുദ്യോഗസ്ഥയായി..

 

 

“ അതല്ല മാഡം… ഇതൊക്കെ എല്ലാ ഓഫീസിൽ നിന്നും പോകുന്നതാ… നമ്മള് മാത്രേ പോകാത്തതുള്ളൂ…രണ്ട് ദിവസത്തെ കാര്യമല്ലേ മാഡം.. മാഡം കൂടി വരണം…”..

 

 

മറ്റുളളവരുടെ മറവിൽ നിന്ന് തല മാത്രം പുറത്തേക്ക് നീട്ടി അത് പറഞ്ഞത് പ്യൂൺ സുകുമാരനാണ്.. അയാൾക്ക് അമ്പതാണ് പ്രായം… അയാൾ ശരിക്കും അംബികയുടെ ഒരടിമയെപ്പോലെയാണ്.. വിനീത വിധേയൻ.. അംബിക എന്ത് പറഞ്ഞാലും അക്ഷരം പ്രതി അനുസരിക്കും..