നാമം ഇല്ലാത്തവൾ 2 [വേടൻ] 1157

 

പുറകിൽ നിന്ന ഒരു കൂട്ടം പെൺകുട്ടികളുടെ ശബ്ദം ആണ് എന്നെയും എന്റെ ആമിയെയും ഉണർത്തിയത് ഒരു ചിരിയും കൊടുത്ത് ഞാൻ അവളെ താഴെറക്കി.. എന്റെ കൈയിൽ കോർത്തു പിടിച്ചു അല്പം കളർമങ്ങിയ ചുരിദാറും ഇട്ട് വരുന്ന പെണ്ണിനോട് എനിക്ക് സങ്കടവും ദെഷ്യവും തോന്നി.എന്തേലും വേണേൽ ഇവൾക്ക് എന്നോട് പറയരുതോ.. നേരെ തുണികടയിൽ കേറി ഉള്ളതെല്ലാം വലിച്ചെടുത്തു താഴെയിട്ട് അവൾക് ഒരു ഓപ്ഷൻ പറയാൻ പോലും ഇല്ലാതെ സകലതും വാങ്ങി ഇനി മേലാൽ നരച്ചതും മങ്ങിയതും ഇടരുത്.. വീട്ടിൽ ചെന്നിട്ട് വേണം പുല്ലെല്ലാം കത്തിക്കാൻ

 

 

” ഡോ….!! ”

 

 

ഒറ്റ ഞെട്ട്… പുല്ല് നല്ലജീവൻ അങ്ങ് പോയി ഏത്‌ പുന്നാര മോളാണോ,, തിരിഞ്ഞു നോക്കിയ എന്റെ നേരെ രണ്ട് പൂച്ചക്കണ്ണുകൾ നീണ്ടു

 

 

” ഹാ… താനോ…. ”

 

ഏത്‌ നമ്മടെ ( ഇപ്പോ നമ്മടെയാട്ടോ ) കോളേജിൽ വെച്ച് കണ്ട ആ പൂച്ചക്കണ്ണി

 

” എവിടായിരുന്നു.. പിന്നെ അങ്ങോട്ടേക്ക് ഒന്നും കണ്ടില്ല ”

 

 

എന്റെ തോളതോന്നു തട്ടിയുള്ള ഡയലോഗിനു ഞാൻ ഒന്ന് ചിരിച്ചു

 

” ഇവിടയൊക്കെ ഉണ്ടായിരുന്നു,, അഹ് നിങ്ങളും ഉണ്ടായിരുന്നോ… ”

 

 

അവളുടെ കൂടെ പുറകെ വരുന്ന കൂട്ടുകാരികളോട് ഞാൻ അത് ചോദിച്ചപ്പോ അവരിൽ ഒന്ന് രണ്ട് പേര് ചിരിച്ചു അതെ ഫ്ലോയിൽ തലയറിയാതെ ചുറ്റും നോക്കി എന്റെ തോളിന് മുകളിൽ ഇരിക്കുന്ന കൈകളെ വെട്ടിയരിയാൻ ആ കണ്ണുകൾക്ക് കഴിയും എന്നെനിക്ക്‌ തോന്നി,

 

” ഇടക്കൊക്കെ നമ്മളേം നോക്കണം മാഷേ അപ്പൊ കാണും…

അതെങ്ങനെയാ ഇവിടെ ഒരാൾക്ക് കാണണ്ട ആളെ കണ്ടില്ലേ… അല്ലേടി….”

 

 

ആരാര്….. എതേത്… ഇവളുമാര് എന്തൊക്കെയാ പറയണേ….ആ പറഞ്ഞവളെ നോക്കിയപ്പോ നമ്മടെ പുച്ഛക്കണി അവളെ നോക്കി ദഹിപ്പിക്കുന്നത് കണ്ടപ്പോ ഏകദേശം കാര്യം എനിക്ക് മനസിലായി തുടങ്ങി, ഞാൻ വീണ്ടും ആ മുഖത്തേക്ക് നോക്കി എന്നെ നോക്കി നില്കുവാണ് പക്ഷെ ദയനീയം ആയിരുന്നു ആ നോട്ടം.