നാമം ഇല്ലാത്തവൾ 3 [വേടൻ] 841

അല്ല ഇതാരാ…? ”

 

 

 

” ഇവനോ… ഇവനല്ലേ നമ്മടെ മണിക്കുട്ടൻ.. അല്ലേടാ.. ”

 

ബാഗ് അവന് കൊടുത്ത് എനിക്ക് നേരെ നിന്നതും അവനെ ഞാൻ ഒന്ന് പരിചയപ്പെടുത്തി . ഒന്നും മനസിലായില്ലേലും ഓട്ട വീണു മുഷിഞ്ഞ ബനിയനിൽ മുഖവും തുടച്ചു അവൻ നല്ല ഭംഗിയായി ഒന്ന് ചിരിച്ചു എന്നിട്ടും അവൾക് മനസിലാകാതെ നോക്കിയപ്പോ

 

” ഇവിടെഫ്ലാറ്റിലെ തുണി ഒക്കെ തേച്ചു കൊടുക്കുന്ന വേലു അണ്ണന്റെ മോന.. ഇവിടെ എല്ലാർക്കും വലിയ കാര്യവാ, ഇപ്പോളും എന്റെ കൂടെ കാണും നമ്മടെ ഫ്ലാറ്റിൽ ആയിരിക്കും അവൻ മിക്കപ്പോഴും.. ”

 

” ഇവന്റെ അമ്മയോ..? ”

 

എന്നൊരു ചോദ്യം വന്നപ്പോ ഉടനെ

 

” അവന്റെ അമ്മ രണ്ടു കൊല്ലം മുന്നെ ഒരു കാറിടിച്ചു മരിച്ചുപോയി.. നീ അവനോട് അതൊന്നും ചോദിക്കണ്ട കേട്ടോ ”

.

അവന് ഏറ്റവും പ്രിയം അവരെ ആയിരുന്നു അന്നവർ മരിച്ചപ്പോ ഈ പിഞ്ചു മനസ്സ് എന്തോരം വിഷമിച്ചുന്നു എനിക്കറിയാം.. അതിനവൾ ഇല്ലെന്ന് ചുമൽ കുച്ചി

 

“മതി പെട്ടി ചുമന്നത്… പിള്ളേരെ പിള്ളേരുടെ പണിയെടുത്താൽ മതി.. താടാ ചെക്കാ അത്..”

 

എന്തുകൊണ്ടോ അവൾ അവന്റെ കൈയിൽ നിന്നും ആ പെട്ടി തട്ടിവാങ്ങിയതും ചെക്കൻ എന്റെ മുഖത്തേക്കും അവളുടെ മുഖത്തേക്കും മാറി മാറി നോക്കി..

 

” അണ്ണാ… അണ്ണികിട്ടേ സോല്ല് പെട്ടി കൊടുക്കസൊല്ല്… ”

 

അവന്റെ ചാട്ടവും പറിച്ചിലും എല്ലാം കണ്ടപ്പോ ആമിക്ക് ചിരി സഹിക്കാൻ വയ്യാ.

 

” ഇന്നാ എന്നാൽ ഇത് പിടിച്ചോ .. ഇനി പെട്ടി ചുമന്നില്ലയെന്നു വേണ്ട.. ”

 

ശേഷം കൈയിലെ ഹാൻഡ് ബാഗ് അവന്റെ കൈയിൽ കൊടുത്തു മറ്റേ ബാഗ് അവൾ എന്റെ കൈയിൽ തന്ന്.. അത് കൊള്ളാം നല്ലൊരു ഏർപ്പാടാ..

 

” അപ്പൊ അത്.. ”

 

” കുത്… നടക്കങ്ങോട്ട് ഇല്ലേൽ കിറിക്കെട്ടു കുത്തും പറഞ്ഞേക്കാം.. ”