നവവധു 17 [JO] 800

അതിന് ഞങ്ങടെ കൂടെയല്ലേ മോളിങ്ങോട്ട് വന്നത്… പിന്നിപ്പോ എന്തിനാ ജോക്കുട്ടന്റെ കൂടെപ്പോണേ????

അയ്യേ… ഈ സൗമ്യേച്ചിക്ക് ഒന്നുവറിയില്ല… ഞാനെന്റെ ചെക്കന്റെ കൂടെയല്ലേ കല്യാണം കഴിഞ്ഞാ പോകുവാ???

യ്യോ… സൗമ്യേച്ചിയിൽ നിന്നൊരു നിലവിളിയുയർന്നു. അതെന്തിനാണെന്നു എനിക്കും മനസ്സിലായില്ല.

ബാ ജോക്കുട്ടാ… ചേച്ചി വീണ്ടും എന്റെ കയ്യിൽ പിടിച്ചു വലിച്ചു.

യാന്ത്രികമായി ഞാനും ചലിച്ചു. ഒന്ന് തിരിഞ്ഞു നോക്കിയപ്പോൾ എല്ലാവരും അമ്പരപ്പോടെ ഞങ്ങളെ നോക്കി എന്തോ കുശുകുശുക്കുന്നു. ഉം… അടുത്ത ചതി ആലോചിക്കുവാരിക്കും… കലിപ്പോടെ ഞാൻ മുഖം വെട്ടിത്തിരിച്ചു ചേച്ചിക്കൊപ്പം നടയിറങ്ങി.

ജോക്കുട്ടാ…. ഞാനിട്ടു തരാം….

ചെരിപ്പിടാനായി കുനിഞ്ഞ എന്നെ തടഞ്ഞുകൊണ്ട് ചേച്ചി സാരിത്തുമ്പിനെ പിന്നിലൂടെ കറക്കി മടിയിലേക്ക് കുത്തിക്കൊണ്ടു നിലത്തേക്കിരുന്നു.