നവവധു 17 [JO] 807

നടന്നതൊന്നും കണ്ടിട്ടില്ല എന്ന മട്ടിലാണ് സൗമ്യേച്ചി പറഞ്ഞതെങ്കിലും എല്ലാം കണ്ടെന്ന് എനിക്കുറപ്പായിരുന്നു. ചേച്ചിയെ എന്റെ അടുത്തുനിന്ന് മാറ്റാനാണ് ഈ ഡയലോഗ് എന്നും എനിക്ക് മനസ്സിലായി.

ഞാൻ ജോക്കുട്ടന്റെ കൂടെ വന്നോളാം…..

പറയണ കേക്ക് മോളെ… ജോക്കുട്ടൻ ഇപ്പ വരും….

ഞാൻ പോവൂല്ല….. ചേച്ചി കൊച്ചുകുട്ടികൾ ശാട്യം പിടിക്കുന്ന പോലെ പറഞ്ഞു.

എന്റെ മോളല്ലേ… ചെല്ല്…

ഞാൻ ജോക്കുട്ടന്റെ കൂടെ വന്നോളാന്ന് പറ ജോക്കുട്ടാ….. ചേച്ചിയെന്റെ ഷർട്ടിൽ പിടിച്ചുലച്ചു.

ഹ… എന്റെ ചക്കരപെണ്ണല്ലേ… പോയി എനിക്കൂടെ സീറ്റ് പിടിച്ചു വെക്ക്… അല്ലേലാ അച്ചു അവിടെ കേറിയിരിക്കും…

ഞാൻ ചേച്ചിയെ ഒന്ന് തണുപ്പിക്കാൻ നോക്കി. എന്തോ…. അതേറ്റു…. അല്ലെങ്കിലും ഞാൻ പറയുമ്പോൾ ചേച്ചി വെറുമൊരു പൂച്ചക്കുഞ്ഞിനെ പോലെയാണ്. എന്നിട്ടും ഒട്ടൊരു സംശയം പോലെ ചേച്ചി ഒന്ന് പരുങ്ങിനിന്നു.

ദേ… പെട്ടെന്ന് പോയി സീറ്റ് പിടിച്ചാ പെട്ടെന്ന് വീട്ടിപ്പോകാം… അതോ ഇവിടിങ്ങനെ കെട്ടിപ്പിടിച്ചിരുന്നാ മതിയോ??? സൗമ്യേച്ചിയുടെ ഡയലോഗ് ചേച്ചിയുടെ നേർക്കായിരുന്നെങ്കിലും കൊണ്ടത് എന്റെ നെഞ്ചിലായിരുന്നു.