നവവധു 3 1147

ഇത്രേം നാളും ഏവിടരുന്നു???? ഒറ്റ ദിവസം കൊണ്ട് എവിടുന്നു വന്നു ഇത്ര ചേഹം??? ഇപ്പൊ വന്നേക്കുന്നു. അച്ചു കൊതികുത്തിയപോലെ അകത്തേക്ക് ചവിട്ടിക്കുതിച്ചു പോയി.

എനിക്കൊന്നും പറയാൻ പറ്റിയില്ല. ഞാൻ ഞെട്ടി നിക്കുവാണ്. അച്ചു എന്നതിനാ ഇത്രയും ദേഷ്യപ്പെട്ടത് എന്നെനിക്ക് മനസിലായില്ല. ഞാൻ നോക്കുമ്പോ ചേച്ചിയും സീതേച്ചിയും അതേ അവസ്ഥയിലാണ്.

നീ സ്കൂളിൽ പോണില്ലേ????ചേച്ചിയാണ് മൗനം ഭഞ്ജിച്ചത്.

മ്…. ഞാൻ ഒന്ന് മൂളിയിട്ട് ഇറങ്ങി വീട്ടിലേക്ക് പോന്നു. അന്ന് വൈകിട്ടും പിറ്റേന്നും അച്ചു എന്നോട് ഒരുമാതിരി അകൽച്ച ഭവിച്ചു. അങ്ങോട്ട്‌ എന്തെങ്കിലും ചോദിച്ചാൽ ഉത്തരം പറയും അത്ര തന്നെ.

അച്ചുവെ….എന്നാ എന്നോട് മിണ്ടത്തെ???? മൂന്നാം നാൾ അവളെ ഒറ്റക്ക് കിട്ടിയപ്പോ ഞാൻ നാണംകെട്ടു ചോദിച്ചു. ആദ്യമൊക്കെ അവൾ ഒഴിഞ്ഞു മാറി.ഞാൻ കുറെ നിർബന്ധിച്ചു. ഒറ്റ പൊട്ടിത്തെറി.

പൊടാ…. പോയി അവളോട് മിണ്ട്….നിനക്കിപ്പോ അവള് മതിയല്ലോ….ഞാൻ ആരാല്ലേ…..ഓ എന്തൊക്കെയാ…. ചായ കൊടുക്കുന്നു….ഊട്ടുന്നു….ഒറക്കുന്നു……അവളേം കെട്ടിപ്പിടിച്ചോണ്ട് ഇരുന്നോ…. പറഞ്ഞതും അവളുടെ കണ്ണുകൾ നിറഞ്ഞത് ഞാൻ കണ്ടു.

ഏ….. എനിക്കൊന്നും മനസിലായില്ല. അവളോ…..ചേച്ചി എന്നാ ചെയ്‌തൂന്നാ????

അവള് നിന്നോട് ഇങ്ങനെ മിണ്ടണതും കൊഞ്ചുന്നതുമൊന്നും എനിക്ക് ഇഷ്ടമല്ലാ…. ഇഷ്ടമല്ലാ…ഇഷ്ടമല്ലാ….അച്ചു നിന്നു ചീറുവാണ്.

നിനക്കെന്നാ വട്ടാണോ?????അങ്ങനെ ചോദിക്കാനാണ് എനിക്ക് തോന്നിയത്.

അതേ….എനിക്ക് വട്ടാ…..അവളുണ്ടല്ലോ നോർമൽ…. പൊക്കോ അവൾടെ അടുത്തോട്ട്…. എന്നോട് മിണ്ടണ്ട. എനിക്കാരേം വേണ്ട….എന്നോടും ആരും മിണ്ടണ്ട. അച്ചു നിന്നു കരയുവാണ്. എനിക്കൊരെത്തും പിടിയും കിട്ടിയില്ല. ഒരു പന്ത്രണ്ടാം ക്ലാസ്സുകാരന് ചിന്തിക്കാൻ കഴിയുന്നതിലും അപ്പുറമാണ് എനിക്ക് ചുറ്റും രണ്ട് ദിവസമായി നടക്കുന്നത്.

എന്റച്ചൂ…. എന്നാ നിനക്ക് പറ്റിയെ….

നീ എന്റെയാ….. ഞാനാ നോക്കിയേ….എന്റെ മാത്രവാ…..എന്റെ മാത്രം അനിയനാ…അവൾടെ അല്ല. നിന്നോട് ചോദിക്കാതെ….പറയാതെ….. നീ അറിയാതെ….ഞാൻ ഇതുവരെ ഒന്നും ചിന്തിച്ചിട്ടു കൂടിയില്ല. എന്നിട്ടും നീ എന്നോട്…..

കാര്യങ്ങൾ ഏകദേശം എനിക്ക് മനസിലായി. ചേച്ചിയുടെ കൂടെ ഞാൻ പോകുമെന്നുള്ള പേടി. ഒരു ഡിഗ്രിക്കാരിയുടെ ഏകാന്തത ഫീൽ…..ഇപ്പൊ അതൊക്കെ ആലോചിക്കുമ്പോഴാണ് അതിന്റെ തീവ്രത ഞാൻ മനസ്സിലാക്കുന്നത് തന്നെ.