🥀നീ ഒരാൾ മാത്രം… 🥀 [നിലാ മിഴി] 824

 

ഇല്ല.. പിന്നീട് ഞാൻ അവനെ കണ്ടതില്ല…

 

എന്റെ മിഴികൾ കലങ്ങി തുടങ്ങിയിരുന്നു… ഞാൻ പോലുമറിയാതെ നിറഞ്ഞു തുടങ്ങി കഴിഞ്ഞിരുന്നു…

ആത്മാർത്ഥ പ്രണയത്തിന്റെ ബാക്കിപത്രമെന്നോണം….

 

ഞാൻ എന്തിനാണ് ഇങ്ങനെ സങ്കടപ്പെടുന്നത്… കരയുന്നത്…

 

ചുരുങ്ങിയ കാലത്തെ പരിചയമുള്ള.. അതെ.. വെറും നാല് മാസത്തെ മാത്രം പരിചയമുള്ള ആരോ ഒരാൾ..

 

അല്ല.. അങ്ങനെയല്ല…

 

നാല് മാസത്തെ പരിചയം… അത് ഒരുപക്ഷെ നാലായിരം ജന്മങ്ങളിലേക്കെന്ന പോലെ അടുത്തറിഞ്ഞ നിമിഷങ്ങൾ…

 

ഞാൻ അവനും.. അവൻ എനിക്കും ആരൊക്കെയോ ആയിത്തീർന്ന നിമിഷങ്ങൾ…

 

അതെ..

 

അവൻ ഇന്നെനിക്ക് എന്തെല്ലാമോ ആണ്… ആരൊക്കെയോ ആണ്…

 

നല്ല സുഹൃത്ത്.. കാമുകൻ.. ഭർത്താവ്.. സഹോദരൻ.. മകൻ..

 

അങ്ങനെ അങ്ങനെ പലതും….

 

അതിരുകളില്ലാത്ത ആത്‍മബന്ധം..

 

നിമിഷ നേരത്തെ ആലോചന…

 

” ഹാ.. നീയിത് എന്താ പെട്ടെന്ന് ഓ.. വേനൽ അവധി തുടങ്ങി കാണും അല്ലെ.. ”

 

സ്റ്റേഷൻ പ്ലാറ്റ് ഫോമിൽ എന്തോ ആലോചനയിൽ മുഴുകിയിരുന്ന ഞാൻ പെട്ടെന്ന് ആ ശബ്ദം മുഴങ്ങി കേട്ടു..

 

ഞെട്ടലോടെ തിരിഞ്ഞു നോക്കി…

 

” ആഹ്.. പ്രസാദേട്ടനോ.. ഉം… അവധി തുടങ്ങി… ഇനി ഒരു രണ്ട് മാസം നാട്ടിൽ ഉണ്ടാകും.. ”

 

ഞാൻ അയാളെ നോക്കി പുഞ്ചിരിയോടെ പറഞ്ഞു കൊണ്ട് ബാഗും തൂക്കി തിരിഞ്ഞു നടന്നു…

 

ഏകാന്തതയിൽ എന്നോണം….

 

എന്റെ നാട്ടു കാരൻ ആണ് പ്രസാദേട്ടൻ… ഒരു പാവം മധ്യ വയസ്ക്കൻ…