നീ വരവായ് 6 [ചങ്ക്] 225

മഴ പെയ്തത് കൊണ്ട് തന്നെ ഇന്നത്തെ രാത്രിയിൽ തണുപ്പ് അരിച്ചു ഇറങ്ങി തുടങ്ങിയിട്ടുണ്ട്…

 

മെല്ലെ ഞാൻ എന്റെ കൈകളെ കൂട്ടി പിടിച്ചു.. ഒരു പഫ് എടുത്തു ഊതി ഉള്ളിലേക്ക് എടുത്തു.. മെല്ലെ ശരീരം മുഴുവൻ കറങ്ങി പുക ചുരുളുകളായി ഉയർന്നു പൊങ്ങി തുടങ്ങി…

 

 

❤❤❤

 

 

ജസ്‌ന..

 

എന്താടി..

 

നീ അവൻ പറഞ്ഞത് കേട്ടില്ലേ..

 

കേട്ടു ഞാനും അത് തന്നെ ആണ് ഓർക്കുന്നത്…

 

ആയിഷ മരിച്ചില്ലേ….

 

ജസ്‌ന കുറച്ചു നേരം മിണ്ടാതെ ഇരുന്നു… പിന്നെ പറഞ്ഞു തുടങ്ങി…

 

മരിച്ചു എന്ന് പറഞ്ഞത് സത്യമാണ്… പക്ഷെ അവളുടെ മയ്യത്തോ… മറ മാടിയ സ്ഥലമോ നമ്മൾ ഇത് വരെ കണ്ടിട്ടില്ല..

 

എന്തിന് അവളെ മിസ്സ്‌ ആയതിനു ശേഷം ആയിഷ യുടെ ഉമ്മയെയെ ഉപ്പയെയോ പോലും നമ്മൾ ഇത് വരെ കണ്ടിട്ടില്ലല്ലോ..ജസ്‌ന പറഞ്ഞു നിർത്തി..

 

അവൾ പറയുന്നതെല്ലാം ജുമൈല ശ്രെദ്ധിച്ചു കേൾക്കുന്നുണ്ട്…

അവരറിയാതെ മറ്റൊരാൾ കൂടെ അവരുടെ വാക്കുകൾ കേൾക്കുന്നുണ്ട്.. റൂമിന്റെ ചുമരിന് തൊട്ട് പുറത്തായി നിന്ന് കൊണ്ട്..