നീലക്കൊടുവേലി 3 [Fire blade] 1109

നിങ്ങളോട് ചെയ്തെന്നു നീ പറയുന്നതൊക്കെ തെറ്റ് തന്നെയാ, പക്ഷെ ഞാൻ ഇങ്ങനെയൊക്കെ ആണ്… എത്ര മാറാൻ നോക്കിയാലും എനിക്ക് ഉള്ളിലുള്ള കോംപ്ലക്സും തെണ്ടിത്തരവും എന്നെക്കൊണ്ട് ഇനിയും ഇങ്ങനെയൊക്കെ ചെയ്യിക്കും…”

അവളുടെ കുറുകിയ നോട്ടം കണ്ട് അവൻ തുടർന്നു ..

” ഇങ്ങനെ എന്നുദ്ദേശിച്ചത് ഇതല്ല.. ”
അവളെ ബലമായി ചെയ്യാൻ ശ്രമിച്ചത് ചൂണ്ടിക്കാണിച്ചുകൊണ്ട് അവൻ തിരുത്തി…

” ഉപദ്രവിക്കണം എന്നൊരു ഉദ്ദേശ്യത്തിൽ ചെയ്തതല്ല, അന്നത്തെ പോലെ ഒന്നൂടി പേടിപ്പിക്കാനായിരുന്നു.. പക്ഷെ നിന്റെ ഒടുക്കത്തെ ഈ ഭംഗി ….. ”

അവളുടെ കണ്ണുകളിൽ നോക്കികൊണ്ടാണ് തുടങ്ങിയതെങ്കിലും ഇടക്ക് നോട്ടം പാളി ചുണ്ടിനെയും നോക്കിക്കൊണ്ട് അവൻ പറഞ്ഞു നിർത്തി…കരഞ്ഞു ചുവന്നു തുടുത്ത മുഖവും നീർതുള്ളികൾ തളം കെട്ടിയ പീലിക്കണ്ണും അവളുടെ മനോഹാരിത വർധിപ്പിച്ചതായി സിദ്ധുവിന് തോന്നി…

അവളുടെ കണ്ണുകളിൽ ആദ്യത്തെ ദേഷ്യം അവൻ കണ്ടില്ല… താൻ പറഞ്ഞ കാര്യത്തിലെ വേദന തിരിച്ചറിഞ്ഞതുകൊണ്ടാകാം എന്ന് ഊഹിച്ചു…

” നിങ്ങൾ ഇപ്പൊ പറഞ്ഞ ന്യായമൊന്നും അന്ന് ഞങ്ങളോട് ചെയ്തതിനും ഇന്ന് ചെയ്യാൻ ശ്രമിച്ചതിനുമുള്ള കാരണങ്ങളല്ല….

ഒരു പെൺകുട്ടിക്ക് അവളുടെ മാനം എത്ര വലുതാണെന്നു മനസിലാക്കാൻ നിങ്ങളൊരു പെൺകുട്ടിയായി ജനിക്കണം…നിങ്ങളുടെ ഒരു നോട്ടം കൊണ്ടുപോലും
ആശുദ്ധയാവാൻ ഞങ്ങൾ ആഗ്രഹിക്കുന്നില്ല…”

ശാന്തമായാണ് അവൾ പറഞ്ഞിരുന്നതെങ്കിലും അവളുടെ വാക്കുകൾക്ക് നല്ല മൂർച്ചയുണ്ടായിരുന്നു… അത് അവന്റെ ഹൃദയത്തിൽ ചെറുതെങ്കിലും ഒരു മുറിവ് സമ്മാനിച്ചു…