നീലക്കൊടുവേലി 4 [Fire blade] 917

ഇതൊക്കെ കേക്കുമ്പോ പിന്നെ ഞാൻ ദേഷ്യപ്പെടാതെ കെട്ടിപ്പിടിച്ചു ഉമ്മ തരുവാണോ വേണ്ടത്..??

തന്നെ കെട്ടിപിടിച്ച നീതുവിന്റെ കയ്യിൽ നല്ലൊരു നുള്ള് കൊടുത്തുക്കൊണ്ട് സിതാര പറഞ്ഞു..

” അതിനു ഞാൻ പ്രേമിച്ചു പിന്നാലെ നടക്കാൻ പോവാണ് എന്നൊന്നും പറഞ്ഞില്ലല്ലോ… എനിക്ക് ഒരു കുഞ്ഞിഷ്ടം ഉണ്ടെന്നല്ലേ പറഞ്ഞുള്ളൂ.. ”

നുള്ള് കിട്ടിയ കൈ ഉഴിഞ്ഞു കൊണ്ട് നീതു കെറുവിച്ചു..

” ആ.. ഉവ്വ…. നിന്റെ ഈ കുഞ്ഞിഷ്ടം വെച്ച് കുറച്ചു ദിവസം കൂടി കൂടി ഗുസ്തി പഠിച്ചോ, അപ്പൊ പിന്നെ എല്ലാരും കൂടി കല്യാണം നടത്തിത്തന്നോളും… ”

സിതാര പറഞ്ഞതിന്റെ പൊരുൾ നീതുവിന് ആദ്യം മനസിലായില്ലായിരുന്നു..ഒന്ന് കൂടി ഇരുത്തി ‘ കിടത്തി ‘ ചിന്തിച്ചപ്പളാണ് വഷളത്തരം പിടികിട്ടിയത്…

” അയ്യേ…. ച്ചീ… ഈ സാധനം..!!! പോടീ കൊരങ്ങെ… ഞാൻ മിണ്ടൂല.. ”

ജാള്യതയാൽ മറ്റു മറുപടിയൊന്നും പറയാനില്ലാതെ നീതു പിണങ്ങി തിരിഞ്ഞു കിടന്നു..

” ഹ്മ്മ് .. മിണ്ടണ്ട ..ഇനി ഉറങ്ങാൻ നോക്ക്…എനിക്ക് നല്ല ക്ഷീണമുണ്ട്.. ”

നീതുവിനോടായി പറഞ്ഞു കൊണ്ട് സിതാര കണ്ണുകൾ അടച്ചു കിടന്നു..

കടന്നൽ കൂടിനു കല്ലു കൊണ്ടെന്നപ്പോൾ ചിന്തകൾ ഇരമ്പിയാർത്തു… ഇങ്ങനെയൊന്നു സ്വപ്നത്തിൽ പോലും കരുതിയില്ല, രണ്ട് ദിവസം മുൻപ് സങ്കടത്തോടെ പറഞ്ഞൊരു കാര്യം ഇന്ന് മറ്റൊരു രീതിയിൽ കേൾക്കേണ്ടി വന്നിരിക്കുന്നു…

അല്ല ഒന്നും പറയാൻ പറ്റില്ല, ചിന്തിക്കണമായിരുന്നു..അവളും വികാരവും വിചാരങ്ങളും ഉള്ള ഒരു മനുഷ്യനാണെന്നു, ഒരു പെണ്ണാണെന്ന്…