നീലക്കൊടുവേലി 5 [Fire blade] 1060

ഇടക്ക് ഒഴിവ് ലഭിച്ചിരുന്നെങ്കിലും പ്രാക്റ്റീസ് പേര് പറഞ്ഞു സിദ്ധു വീട്ടിലേക്ക് പോയതേ ഇല്ല… ചില കാര്യങ്ങൾക്ക് ഒരു അകലം ആവശ്യമാണെന്ന് അവൻ മനസിലാക്കിയിരുന്നു… വീട്ടിലേക്ക് പോകാതിരുന്നതോടെ സിതാരയെ കുറിച്ചുള്ള ചിന്തകൾക്ക് ഒരു അവധി കിട്ടി, ഒരുതരത്തിൽ
സിതാരയോടുള്ള ഒരു മധുരപ്രതികാരം കൂടി ആയിരുന്നു അത്…

******* *********

മൂന്നു മാസങ്ങൾക്കു ശേഷം സിദ്ധുവിന്റെ
കോളേജ് ഫെസ്റ്റ് വന്നെത്തി…രണ്ടാം ദിവസമായിരുന്നു മാർഷ്യൽ ആർട്സ് ഒക്കെ ഉണ്ടായിരുന്നത്… കിക്ക് ബോക്സിങ് മത്സരത്തിന് അവന്റെ പേര് കണ്ടു ക്ലാസിലെ പലരും അമ്പരന്നു… ഉൾവലിഞ്ഞ പ്രകൃതവുമായിരിക്കുന്ന സിദ്ധുവിനെ പോലെ ഒരാളിൽ നിന്നു അങ്ങനൊരു കാര്യം അവർ പ്രതീക്ഷിച്ചിരുന്നില്ല..

അവൻ പഠിച്ചിരുന്ന അക്കാഡമി അടുത്തല്ലാത്തത് അവൻ ഇങ്ങനെ പഠിക്കുന്നതും ആർക്കും അറിയില്ലായിരുന്നു…

അവരുടെ കോളേജിലെ പ്രധാനപ്പെട്ട ഒരു ഐറ്റം ആയിരുന്നു കിക്ക് ബോക്സിങ് ചാമ്പ്യൻഷിപ്പ് … കോളേജിലെ ഓഡിട്ടോറിയത്തിൽ പ്രത്യേകം സജീകരിച്ചാ റിങ്ങിലാണ് മത്സരം…നിലവിലെ ചാമ്പ്യൻ സോണി വർഗീസ് ഒരു പ്രമുഖ വിദ്യാർത്ഥി സംഘടനയിലെ അംഗം കൂടി ആണ്… അവൻ മാത്രമല്ല 12 പേരാണ് സിദ്ധുവടക്കം പങ്കെടുക്കാൻ ഉണ്ടായിരുന്നത്, അതിൽ 11 പേരും ഓരോ പാർട്ടിയിൽ ഉള്ളവരാണ്…

ഓരോ പാർട്ടിക്കാർ ഉൾപ്പെട്ടിരുന്നത് കൊണ്ട് ഈ മത്സരവും അവരുടെ അടിപിടികൾ നടത്താനുള്ള അവസരമാണ് അവർ കണ്ടിരുന്നത്, അതുകൊണ്ടുതന്നെ മത്സരങ്ങൾ ഓരോന്നും പൊടി പാറി…