നീതുവിന്റെ മാത്രം പ്രവീൺ [നിഷ] 367

പ്രവീൺ ഫോണിലൂടെ നീതുവിനോട് കെഞ്ചി.

അവൾ മറുപടിയൊന്നും പറയാതെ പെട്ടെന്ന് ഫോൺ കട്ട് ചെയ്തു.

അന്നുമുതൽ പ്രവീണിന് ആകെ മൊത്തം ഒരു പേടി ആയിരുന്നു. കാരണം താൻ നീതുവിനോട് ഇങ്ങനെ പെരുമാറിയത് അവൾ ആരോടെങ്കിലും പറഞ്ഞാൽ തൻ്റെ ജീവിതം പിന്നെ കട്ടപ്പൊക ആയിരിക്കും.

പ്രവീൺ ടൗണിലെ ഒരു പ്രമുഖ സിനിമ തിയേറ്ററിൽ മാനേജർ ആയി ആണ് ജോലി ചെയ്യുന്നത്. ജോലി സ്ഥലത്തും ഒക്കെ അവന് ആകെ മൊത്തം ഒരു ടെൻഷൻ ആയിരുന്നു. അവളെ അങ്ങോട്ട് വിളിച്ച് എന്തെങ്കിലും ഒന്ന് ചോദിക്കാനായി ഒരു ധൈര്യവും അവന് വന്നില്ല.

അന്നുമുതൽ അവന് ഉറക്കമില്ലാത്ത രാത്രികൾ ആയിരുന്നു. തൻ്റെ കസിനും കൂട്ടുകാരനുമായ സോണി, നീതുവിനെ കെട്ടികൊണ്ട് വന്ന അന്ന് മുതൽ സുന്ദരിയായ നീതുവിനെ പ്രവീൺ ശ്രദ്ധിച്ചിരുന്നു. എങ്കിലും അവളോട് മറ്റ് തരത്തിലുള്ള ആകർഷണം ഒന്നും അവന് തോന്നിയിരുന്നില്ല. പക്ഷേ അപ്രതീക്ഷിതമായ സോണിയുടെ മരണത്തിനു ശേഷം നീതുവുമായി കൂടുതൽ അടുത്ത് ഇടപഴകേണ്ടി ഒക്കെ വന്നപ്പോൾ പതിയെ പതിയെ നീതുവിൻ്റെ ആ സൗന്ദര്യം പ്രവീണിൻ്റെ സിരകളെ ചൂടുപിടിപ്പിക്കാൻ തുടങ്ങിയിരുന്നു.

അല്പം പൊക്കം കൂടിയ ശരീരമായിരുന്നു നീതുവിന്റേത്. സിനിമ നടി ദിവ്യ പ്രഭയുടെ മുഖവും, വടിവൊത്ത ശരീരവും ആരെയും ആകർഷിക്കുന്നതായിരുന്നു.

സോണിയുടെ മരണത്തിനുശേഷം നീതുവിൻ്റെ കൂടെ പ്രവീണിന് പലസ്ഥലങ്ങളിലും യാത്ര ചെയ്യേണ്ടി വന്നിട്ടുണ്ട്. അവളുടെ പല കാര്യങ്ങൾക്കും, ഒരു ജോലിക്ക് വേണ്ടിയുള്ള അന്വേഷണത്തിനും, പിന്നെ ഡ്രൈവിംഗ് പഠിപ്പിച്ച് ലൈസൻസ് എടുത്ത് കൊടുക്കുന്ന എല്ലാ കാര്യങ്ങൾക്കും വേണ്ടിയും ഒത്തിരി സമയം അവർ ഒരുമിച്ച് യാത്ര ചെയ്തു.