നിധിയുടെ കാവൽക്കാരൻ 14 [കാവൽക്കാരൻ] 1280

 

​വെളുത്ത ഷർട്ടിൽ നിറയെ അഴുക്കും ചെളിയും മാത്രമല്ല…

​നല്ല ചുവന്ന ചോരപ്പാടുകളും ഉണ്ടായിരുന്നു!..

 

“ശേ… നിനക്ക് കുറച്ച് നേരത്തേ വരായിരുന്നില്ലേടാ…”

 

​എന്റെ കയ്യിലെ മാംസത്തിൽ അമർത്തി നുള്ളിക്കൊണ്ട് കൃതിക ശബ്ദമമർത്തി ചോദിച്ചു….

 

​സാഹചര്യം ഇതായിപ്പോയി… അല്ലെങ്കിൽ ഈ സാധനത്തിനെ കാലേ വാരി നിലത്തടിച്ചേനെ ഞാൻ!

 

​വേദന കടിച്ചമർത്തിക്കൊണ്ട്, ശബ്ദം പരമാവധി താഴ്ത്തി ഞാൻ ചോദിച്ചു:

 

​”ഇതൊക്കെ ആരാടി…?”

 

​”ആവോ… എനിക്കെങ്ങനെ അറിയാം…”

 

​അവരിൽ നിന്നും കണ്ണെടുക്കാതെ,അവൾ മറുപടി പറഞ്ഞു….

 

“പിന്നേ നീന്നേയെന്തിനാ ഈ രാത്രി നേരത്ത് ഇങ്ങോട്ട് കെട്ടിയെടുത്തത്….. ”

 

“എടാ ചെക്കാ നീയൊന്ന് മിണ്ടാതെ ഇരി അവരെന്താ ചെയ്യുന്നത് എന്ന് നോക്കട്ടെ….”

 

എന്റെ മറുപടി കേൾക്കുന്നുണ്ടെങ്കിലും കൃതികയുടെ ശ്രദ്ധ പൂർണമായും അവരിൽ തന്നെയായിരുന്നു….

 

“എടീ… നീ കാര്യം…. ”

 

പറഞ്ഞു തീരുന്നതിനുമുന്ബെ റോസ് എന്റെ വായപൊത്തി…

 

അവളുടെ വായ ഞാൻ ആദ്യമേ പൊത്തിയതുക്കൊണ്ട് മറുപടിക്കായി കണ്ണുകളെയാണ് ഞാൻ ആശ്രയിച്ചത്…

 

അവൾ കണ്ണുകൾ കൊണ്ട് ‘അങ്ങോട്ട് നോക്ക്’ എന്ന രീതിയിൽ വണ്ടിയുടെ ഭാഗത്തേക്ക് ആംഗ്യം കാണിച്ചു.

 

​അവളുടെ ആ നോട്ടം കണ്ടതും ഞാൻ മെല്ലെ തല തിരിച്ചു.

 

​ആ പെണ്ണ് തന്റെ പാന്റിന്റെ പോക്കറ്റിൽ നിന്നും ഒരു ഫോൺ പുറത്തെടുക്കുന്നത് ഞാൻ കണ്ടു.

​വിറയ്ക്കുന്ന കൈകളോടെ അവൾ ഫോൺ ചെവിയോട് ചേർത്തു. ആർക്കോ വിളിക്കുകയാണ്… മുഖത്തെ ഭാവം കണ്ടിട്ട് നല്ല അത്യാവശ്യമുള്ള കാര്യമാണെന്ന് തോന്നുന്നു…