ഞാൻ വേഗം നിധിയെ നോക്കി. അവളുടെ
വിരലിലെ ‘ആത്മദർപ്പണം’ എന്ന മോതിരം കണ്ണഞ്ചിപ്പിക്കുന്ന പച്ച വെളിച്ചം പുറപ്പെടുവിക്കുന്നുണ്ടായിരുന്നു! അവളുടെ കണ്ണുകൾ ജ്വലിച്ചുനിന്നു. അവൾ തന്റെ ഇരുകൈകളും വായുവിൽ പ്രത്യേക രീതിയിൽ പിടിച്ച് തക്ഷകന്റെയും നാഗികയുടെയും നേർക്ക് നീട്ടിയിരിക്കുകയാണ്. ഒരൊറ്റ നിമിഷം കൊണ്ട് നിധി അവളുടെ മോതിരത്തിന്റെ മാന്ത്രിക ശക്തിയുപയോഗിച്ച് അവരുടെ രണ്ടുപേരുടെയും മനസ്സിലേക്ക് കടന്നുകയറിയിരിക്കുന്നു! അവരെ പൂർണ്ണമായും അവളുടെ നിയന്ത്രണത്തിലാക്കിയിരിക്കുന്നു!
തക്ഷകനും നാഗികയ്ക്കും സ്വന്തം ശരീരത്തെ ഒന്നിളക്കാൻ പോലും കഴിയാത്ത അവസ്ഥ! അവരുടെ ഞരമ്പുകളെയും തലച്ചോറിനെയും നിധി മരവിപ്പിച്ചുകളഞ്ഞു.
അവർ പ്രതിരോധിക്കാൻ പോലുമാകാതെ സ്തംഭിച്ചു നിൽക്കുന്ന ആ ഒരൊറ്റ നിമിഷം മതിയായിരുന്നു ആമിക്ക്!
അവളുടെ വിരലിലെ നാഗപാശം വലിയൊരു കറുത്ത വെളിച്ചം വമിച്ചു.
ഒരു മിന്നൽപ്പിണർ പോലെയാണ് ആമി വായുവിലേക്ക് കുതിച്ചുയർന്നത്. എന്റെ കണ്ണുകൾക്ക് പോലും അവളുടെ വേഗത പിടിച്ചെടുക്കാൻ കഴിഞ്ഞില്ല. ഒരു സാധാരണ മനുഷ്യശരീരത്തിൽ നിന്നും ഒരിക്കലും ഉണ്ടാകാൻ സാധ്യതയില്ലാത്ത അമാനുഷികമായ കരുത്തോടെ അവൾ തക്ഷകന്റെയും നാഗികയുടെയും നേർക്ക് പറന്നിറങ്ങി.
വായുവിൽ വെച്ച് തന്നെ തന്റെ ഇരുകാലുകൾ കൊണ്ടും അവരുടെ നെഞ്ചിലേക്ക് അവൾ ആഞ്ഞൊഴിച്ചു!
വലിയൊരു സ്ഫോടനം നടന്നതുപോലെയുള്ള ശബ്ദത്തോടെ, അത്രയും വലിയ ഭീമാകാരനായ തക്ഷകനും നാഗികയും ആ ചുവന്ന മണ്ണിലേക്ക് പന്തുകൾ പോലെ തെറിച്ചുവീണു! കരിങ്കൽ ഭിത്തിയിലിടിച്ച് നിലംപതിച്ച അവർക്ക് ഒന്നെഴുന്നേൽക്കാൻ പോലും കഴിഞ്ഞില്ല. മണ്ണിൽ വലിയൊരു കുഴിയുണ്ടാക്കിക്കൊണ്ട് തങ്ങളുടെ ഗുരുക്കന്മാർ കൂടിയായ ആ വലിയ പോരാളികൾ പരാജയം സമ്മതിച്ചു കിടന്നു.
ഓരോ തവണയും കഥയുടെ റേഞ്ച് തന്നെ മാറിപ്പോകുന്നു 🗿💥
എന്താ പറയണ്ടേ എന്ന് പറയാൻ പറ്റുന്നില്ല 🙏🏾🥰
പ്രിയ കാവൽക്കാര
നിഘണ്ടുവിലെ വർണനീയമായ മുഴുവൻ അക്ഷരങ്ങളും മതിയായെന്ന് വരില്ല നിന്നെ അഭിനന്ദിക്കാൻ
അത്രയും മനോഹരം
വളരെ വളരെ വളരെ അപൂർവമായ നാഗമാണിക്യം പോലെ തന്നെ
petten thanne next part kittanam
avan nthe patti
chekkan marichoo 🥲 illairikum
waiting❣️❣️