നിറമണിയും ഗഗന പഥം 2 [സ്പൾബർ] 753

തന്റെ മനസിൽ നടക്കുന്ന പരിവർത്തനം എന്തെന്ന് ശാലിക്ക് മനസിലാക്കാനായില്ല..

അത് എന്ത് മാത്രം അപകടം പിടിച്ചതാണെന്നും അവളറിഞ്ഞില്ല..

അവൾ ചുറുചുറുക്കോടെ ജോലി തുടങ്ങി..

ഉള്ളിൽ നിന്നും അലയടിച്ചുയരുന്ന പ്രണയഗാനം മൂളാതിരിക്കാൻ ശാലിനിക്കായില്ല..

സ്വന്തം മക്കൾ പോലും അവളുടെ ഒർമ്മയിലെങ്ങും ഉണ്ടായിരുന്നില്ല..

പാലെടുത്ത് വലിയ ബാരലിൽ കൊണ്ട് പോയി ഒഴിക്കുമ്പോഴും അവളുടെ കണ്ണുകൾ ദാഹത്തോടെ സുധിയെ തേടുകയായിരുന്നു..

ശാലിനിക്കവനെ കാണാൻ വല്ലാത്ത കൊതിതോന്നി..എന്നാൽ അന്നവൾക്ക് സുധിയെ കാണാനായില്ല.. കടുത്ത നിരാശയോടെയാണ് ശാലിനി വീട്ടിലേക്ക് മടങ്ങിയത്..മൺതിട്ടയിൽ നിന്ന് വീട്ടിലേക്ക് നോക്കിയ ശാലിനി വിറച്ച് പോയി.. അടുക്കള വാതിൽ തുറന്ന് തന്നെത്തന്നെ നോക്കി നിൽക്കുന്ന രാജേട്ടൻ..എന്റീശ്വരാ… ഈ കാലമാടൻ ഇന്നെന്താ ഇത്ര നേരത്തെ…?. ഇന്ന് പണിയില്ലേ…?.

രണ്ട് മൂന്ന് ദിവസമായി മൺതിട്ടയിൽ നിന്ന് മുറ്റത്തേക്ക് ചാടിയ ശാലിനി പേടിയോടെ സാവധാനം ഒതുക്കുകളിറങ്ങി മുറ്റത്തെത്തി.. രാജൻ നല്ല ലഹരിയിലാണെന്ന് അവൾക്ക് മനസിലായി..കണ്ണുകൾ കലങ്ങിച്ചുവന്നിട്ടുണ്ട്.. ശാലിനി അടുത്തെത്തിയതും രാജൻ ഒന്നും മിണ്ടാതെ ഉള്ളിലേക്ക് കയറി..പേടിയോടെ ശാലിനിയും.. അകത്ത് കയറിയ ശാലിനി ഞെട്ടിപ്പോയി.. ഇയാൾ കാണാതെ ഒളിപ്പിച്ച് വെച്ച സുധി കൊണ്ടുവന്ന സാധനങ്ങളെല്ലാം ചാക്കഴിച്ച് നിലത്ത് ചെരിഞ്ഞിരിക്കുന്നു… ഇന്ന് തന്റെ അവസാനമാണെന്ന് അവളുറപ്പിച്ചു.. തല ഉയർത്താനവൾക്കായില്ല.. എന്നാൽ ഉറക്കെ നിലവിളിച്ച് കൊണ്ട് അവൾ അടിവയർ പൊത്തിപ്പിടിച്ച് നിലത്തേക്കിരുന്നു..