നിറമണിയും ഗഗന പഥം 2 [സ്പൾബർ] 753

ചേതമില്ലാത്ത ഉപകാരമല്ലേ..അത് കൊണ്ട് ഇവൾക്ക് സമാധാനത്തോടെയുള്ള ജീവിതം കിട്ടുമെങ്കിൽ കിട്ടട്ടെ…

“”ഞാനിതിൽ എന്താണ് ശാലൂ ചെയ്യേണ്ടത്…?””..

കുറേ നേരത്തെ ആലോചനകൾക്ക് ശേഷം സുധി ചോദിച്ചു..

“”ഇന്നലെ രാത്രി അയാൾ വന്നപ്പോ ഞാൻ മുറിയിൽ കയറി വാതിലടച്ചു… എന്നും അത് പറ്റില്ലല്ലോ… അത് കൊണ്ട് ഇന്ന് ഞാൻ ഒളിച്ചിരിക്കുകയൊന്നുമില്ല… മുന്നിൽ കണ്ടാൽ അയാളെന്നെ എന്തേലും ചെയ്യും… അപ്പോ ഞാനെന്ത് ചെയ്യണം…?.. തല്ലിയാൽ തിരിച്ച് തല്ലണോ… ?.. അതിനും എനിക്ക് മടിയില്ല…””..

സുധി അൽഭുതത്തോടെ അവളെ നോക്കി..

“അപ്പോ ജീവിക്കാൻ നീ തീരുമാനിച്ചു,അല്ലേ… ?””..

ശാലിനി തലയാട്ടി..

“” എന്നാ ഞാൻ പറയാം… ആദ്യം കുട്ടികളെ നേരത്തേ ഉറക്കുക.. അവരിതൊന്നും കാണാൻ പാടില്ല..പിന്നെ വടിയോ,കത്തിയോ പോലുള്ള ഒരായുധവും അവന് കിട്ടാവുന്നിടത്ത് വെക്കരുത്… നിനക്കത് പെട്ടെന്ന് കിട്ടുകയും വേണം… അവൻ വന്ന് സംസാരമാണ് ആദ്യം തുടങ്ങുക എങ്കിൽ നീ എതിർത്ത് സംസാരിക്കണം.. ദേഹോപദ്രവമാണെങ്കിൽ തിരിച്ചും നിന്നെക്കൊണ്ട് കഴിയും പോലെ ചെയ്യുക… അവനെ നീ അടിക്കാൻ തീരുമാനിക്കുകയാണെങ്കിൽ ഒരടിയിൽ നിർത്തരുത്… ഇത്രയും കാലം നിനക്ക് കിട്ടിയത് പലിശയും കൂട്ടി തിരിച്ച് കൊടുക്കണം… ധൈര്യത്തോടെ നിൽക്കണം.. ഒട്ടും പതറരുത്…പക്ഷേ,ഇങ്ങിനെയൊക്കെ ചെയ്താൽ നാളെ നിനക്ക് ഭർത്താവുണ്ടാവുമെന്ന് എനിക്ക് തോന്നുന്നില്ല…””..