ഞാൻ ഭാഗം 1 [Pony boy] 173

ആശയുടെ മുഖത്ത് ഒരുത്തരത്തിലുള്ള പരിചയ ഭാവവുമില്ല… ഗൗരവത്തിൽ തന്നെ എന്തോ ചോദിച്ചു…
സോഫ്റ്റ്‌വെയർ പ്രോഗ്രാമിഗുമായി ബന്ധപ്പെട്ടാണ് ചോദ്യം എനിക്ക് ഉത്തരങ്ങൾ ഒന്നും മനസിലേക്ക് വരുന്നില്ല… മൊത്തത്തിൽ ബ്ലാങ്ക് ആയപോലെ… പെട്ടന്നുതന്നെ അടുത്ത ചോദ്യം വന്നു… അറിയില്ല… ഒന്നും ഓർമ്മവരുന്നില്ല… ഞാൻ മിണ്ടാതെ ഇരുന്നുപോയി…

” ok you are go now… We will inform you if you in… ” അവൾ പറഞ്ഞു

” അത് പിന്നെ ആശാ…. ”
ഞാൻ പറയാനൊരുങ്ങിയതും എന്നെ പാടെ അവഗണിച്ചുകൊണ്ട് കാൾ ബെൽ പ്രെസ്സ് ചെയ്തുകൊണ്ട് അവൾ ഉറക്കെ പറഞ്ഞു
” നെക്സ്റ്റ്… ”

നിരാശയുടെ കാര്മേഘവുമായി ഞാൻ അവിടെ നിന്നിറങ്ങി…
ഒരാഴ്ച കഴിഞ്ഞു കാണണം അന്നെന്റെ പിറനാൾ ആയിരുന്നു. കുറെ കാലമായി ഞാൻ സോഷ്യൽ മീഡിയയിൽ കൂടുതലായി ആക്റ്റീവ് ഒന്നുമല്ല അതോണ്ട്തന്നെ ബർത്തഡേ വിഷസ് ഒക്കെ കുറവാണ്…
അപ്പോഴാണ് വാട്സാപ്പിൽ ശ്രുതി യുടെ മെസ്സേജ് വന്നത്… ശ്രുതി കോളേജിൽ എന്നോടൊപ്പം പഠിച്ചതാണ്… ആൻസിയുടെ ഗാങ് ഒന്നുമല്ല എങ്കിലും എല്ലാരുമായി നല്ല ഫ്രണ്ട്ഷിപ്പ് ഉണ്ടവൾക്ക്. അവളിപ്പോൾ ബാങ്കിൽ ക്‌ളാർക്ക് ആയി ജോലിചെയ്യുകയാണ്….
” many many happy returns of the day dear Sujith ”

” താങ്ക്സ് ഡിയർ.. ” ഞാൻ റിപ്ലൈ ചെയ്തു.

” നന്ദി മാത്രെ ഉള്ളോ… ചിലവൊന്നുമില്ലേ.. ” അവൾ ചോദിച്ചു.

” ഹും ജോലിയും കൂലിയും ഇല്ലാത്ത ഞാനാ ഇനി നിനക്ക് ചിലവ് ചെയ്യുന്നേ… ” ഞാൻ മറുടി അയച്ചു.

” ഓഹ്! നിനക്കിതുവരെ ജോബ് ആയില്ലേ ?? ”

” ഇല്ലടി… ഒരു ജോലി കിട്ടാൻ എന്നെ എങ്ങനെയെങ്കിലും ഒന്ന് ഹെല്പ് ചെയ്യാമോ plz… എന്തെങ്കിലും ഒരു ജോലി മതി.. അത്രയ്ക്ക് ഗതികെട്ട അവസ്ഥ ആയോണ്ടാ.. ” ഞാൻ പറഞ്ഞു…

” നീ കഴിഞ്ഞ ആഴ്ച ഇന്റർവ്യൂ ന് ആശയുടെ അടുത്തു പോയത് ഞാൻ അറിഞ്ഞാരുന്നു.. ”

” oh… നീ എങ്ങനെ അറിഞ്ഞു അവൾ നിന്നോട് പറഞ്ഞോ?? ” ഞാൻ അശ്ചര്യത്തോടെ ചോദിച്ചു..

” അവൾ ഞങ്ങളുടെ ഗ്രൂപ്പിൽ ഇട്ടാരുന്നെടാ… നീ അവൾ ചോദിച്ചേനൊന്നും ഉത്തരം പറയാതെ പഴം വിഴുങ്ങി ഇരുന്നെന്ന്… ”

” അയ്യോ ഗ്രൂപ്പോ?? അപ്പോൾ ക്ലാസിലെ എല്ലാരും അറിഞ്ഞോ?? ” ഞാൻ ചോദിച്ചു

” ഇല്ലെടാ അതിൽ ഞങ്ങൾ അഞ്ചാറ് പേരെ ഉള്ളു ആൻസിയയാണ് അഡ്മിൻ… നീ ഇന്റർവ്യൂ ന് പോകുന്നെന്ന് മുന്നേ പറഞ്ഞിരുന്നേൽ ഞാൻ ആശയോട് പറഞ്ഞു അത് സെറ്റാക്കി തരാരുന്നു… ”

” അവൾ പഴയ ലിക്യുർ കേസ് ഒക്കെ മനസ്സിൽ വെച്ച് എനിക്കിട്ട് പണിഞ്ഞതാണ്… ” ഞാൻ പറഞ്ഞു