ഞാനും സഖിമാരും 13 [Thakkali] 298

ചെറിയമ്മ അവരോട് സംസാരിക്കുന്നുണ്ടായിരുന്നു അമ്മയും അങ്ങോട്ട് പോയി..

ശേഖരേട്ടൻ മുറിയിലേക്ക് വന്നു പിന്നാലെ ടീച്ചറും അമ്മയും.. ചെറിയമ്മ അടുക്കളയിൽ ആയിരിക്കും..

“എന്താടോ? ഒരു പനി എന്നു പറഞ്ഞു ബാല്യക്കാരൻ ഇങ്ങനെ കിടക്കാമോ?”

“നിങ്ങള് മിണ്ടാണ്ട് നിൽക്ക് എന്റെ മോൻ അങ്ങിനെ ഒന്നും കിടക്കില്ല അവന്നു ശരിക്കും വയ്യ അതാണ്..” ടീച്ചർ പറഞ്ഞു

“ഞാൻ വെറുതെ പറഞ്ഞതാ.. അവനെ ഞാൻ ഇങ്ങനെ ഇത് വരെ കണ്ടിട്ടില്ല.. ഓനെ ഒന്ന് ഉഷാറാക്കിയതല്ലേ? ഈ പനി വന്നാൽ അങ്ങിനെ തന്നെയാ.. ”

“ മോനേ പറമ്പത്ത് പണിക്കാർ ഉണ്ട് അതാണ് ഇത്രയും ദിവസം വരാഞ്ഞത്. പിന്നെ ഇവർ പറഞ്ഞു രാജൻ ഡോക്ടർ  പറഞ്ഞിന്  പനിയാണ് ആരും  അങ്ങോട്ട് പോകണ്ട എന്നു.. അതാണ്.. പിന്നെ ഞാൻ  അമ്മയെ ദിവസേന വിളിക്കും” രമ ടീച്ചർ പറഞ്ഞു.

“അന്ന് നീ ആശുപത്രിയിൽ നിന്ന് വരുന്ന ദിവസം ഞാൻ വന്നിരുന്നു.. കൌണ്ടറില് പൈസയും കൊടുത്തു രാജനെയും കണ്ടു വേഗം വന്നു വളം എടുക്കാൻ പോകണമായിരുന്നു” ശേഖരേട്ടൻ പറഞ്ഞു..

“നീ വിശ്രമിച്ചോളൂ” എന്നു പറഞ്ഞു അവർ ഹാളിൽ പോയി സംസാരിക്കാൻ തുടങ്ങി,,, ശേഖരേട്ടൻ കുറച്ചു കഴിഞ്ഞപ്പോൾ പോയി ടീച്ചർ സന്ധ്യ ആയപ്പോഴാണ് പോയത്..

അതിനു ശേഷം ഞാൻ എഴുന്നേറ്റ് പോയി മൊബൈൽ എടുത്തു..  നെറ്റില്ല അത് അവിടെ തന്നെ കുത്തിയിട്ട്, നേരത്തെ ഇട്ടിരുന്ന ട്രൌസർ അഴിച്ചു വച്ചു..  മൂത്രമൊഴിച്ചിട്ട്..ഹാളിൽ പോയി.. കുറച്ചു ദിവസം ഫ്രീ ആയി ആട്ടി നടന്നിട്ട് ഇന്ന് കുറച്ചു അധിക നേരം ട്രൌസർ ഇട്ടപ്പോൾ ഒരു വിമ്മിഷട്ടം.. വെറുതെയല്ല ചെറിയ പിള്ളേര് ട്രൌസർ ഇടുന്നതിന് കരച്ചിലും ബഹളവും  ഉണ്ടാക്കുന്നത്..