ഞാനും സഖിമാരും 13 [Thakkali] 298

പിറ്റേന്ന് ആരും വിളിക്കാനൊന്നും വന്നില്ല.. അതിനു  മുന്നേ ഞാൻ എഴുന്നേറ്റു എന്നതായിരുന്നു ശരി.. ഇന്ന് കുഴപ്പമൊന്നുമില്ല ഒറ്റക്ക് എണീറ്റ് പോയി കാര്യങ്ങൾ എല്ലാം  നടത്തി.. പക്ഷേ ഭയങ്കര നിരാശ..

ഞാൻ കുറച്ചു നേരം പോയി പത്രം വായിച്ചു, ഭക്ഷണവും കഴിച്ചു.. ചെറിയമ്മയെ നോക്കിയപ്പോൾ ചെറിയ കോലായിൽ ഉണ്ട് ചെക്കന് ഭക്ഷണം കൊടുക്കുന്നു.

വേറെ ഒന്നും ചെയ്യാനില്ലാത്തത് കൊണ്ട് ഫോണും എടുത്തു എന്റെ കിടക്കയിൽ പോയി ഇരുന്നു.. ആകെ പിരാന്ത് പിടിക്കുന്ന പോലെ..

കേറി കിടന്നു.. അതിനിടക്ക് ആദ്യമായി ചുവരിലെ ഒരു മരത്തിന്റെ ആപ്പില്  കാൽ മുട്ട് തട്ടിയത്.. മഴവിൽ കവടിയില് മീശ വാസു പറഞ്ഞപോലെ ഇത്രയും കാലം അവിടെ കിടന്നിട്ട് അങ്ങിനെ ഒരു ആപ്പ്  ഞാൻ അവിടെ കണ്ടിട്ടില്ല.. (ഇപ്പോഴത്തെ മൊബൈൽ ആപ്പ് അല്ല..  മരത്തിന്റെ പൂള് എന്നു ചില സ്ഥലങ്ങളിൽ പറയും).. അവിടെ അപ്പുറത്തെ മുറിയുടെ ഒരു ചുവരലമാര ഉറപ്പിക്കാൻ പണ്ട് വച്ചതാ

ഇനി ആ മുറിയെ പറ്റി പറയുകയാണെങ്കിൽ അത് മുന്നേ ഒരു ചെറിയ വരാന്ത പോലെ ആയിരുന്നു.. അതിന്റെ മുറ്റത്തആയിരുന്നു പണ്ട് നെല്ല് ഉണക്കാൻ ഒക്കെ ഇട്ടിരുന്നത്.. പിന്നെ മുറി കൂട്ടി എടുക്കുമ്പോ ആ വരാന്ത  ഒരു മുറിയാക്കി മാറ്റി പക്ഷേ, ഒരു വല്യ ഭാഗം അഴി ജനാല വച്ചിരുന്നു..  ഈ മുറിക്ക് അടുക്കളയിൽ നിന്ന് ഡൈനിങ് റൂമിലൂടെ നേരിട്ട് കണക്ഷൻ ഉണ്ട്.. അത് കൊണ്ട് ചെറിയ കോലായി ലേഡീസ് ഹാങ്ഔട്ട് സ്പോട്ട് ആണ്..  ജനൽ തുറന്നു വച്ചാല് നല്ല കാറ്റും.. അവിടെ ബെഞ്ചിൽ ഇരുന്നാൽ ഗെയ്റ്റ് കടന്നു ആരെങ്കിലും വരുന്നെങ്കിലും കാണാൻ പറ്റും.