ഞാനും സഖിമാരും 7 [Thakkali] 655

പെണ്ണുങ്ങൾ എല്ലാവരും കാറിൽ പിന്നിൽ കയറി ഞാൻ മുമ്പിലും കയറി. അമ്മയെ വീടിനടുത്ത് ഇറക്കി കൊടുത്തു. 

ഡ്രൈവർ ലേശം വയസ്സ് ഉള്ള ആളാണ് എനിക്ക് നേരിട്ട് പരിചയമില്ല അത് കൊണ്ട് സംസാരം കുറച്ചു കുറവായിരുന്നു. അച്ഛന്റെ ഒപ്പം ചെറിയ ക്ലാസ്സിൽ പഠിച്ച ആള് ആണ് പോലും. അങ്ങിനെ നമ്മൾ ഉച്ച ആവുമ്പോഴേക്കും ചെറിയമ്മയുടെ വീട്ടിലെത്തി. ചെറിയമ്മയുടെ ചേട്ടനും ഭാര്യയും കുട്ടിയും ഒക്കെ വന്നിരുന്നു. എല്ലാവരും എന്നെയും മോനെയും കൂടി ഭയങ്കര സ്വീകരണം ആയിരുന്നു. ഉച്ച ഭക്ഷണം കഴിച്ചു.

അമ്മുവേചി അവരുടെ വീട്ടിൽ ആയിരുന്നു വൈകുന്നേരം അമ്മുവേചിയുടെ അമ്മയും എല്ലാം ഇവരുടെ വീട്ടിൽ വന്നു കുറേ വർത്തമാനം പറഞ്ഞു.  രാത്രി ചെറിയമ്മയുടെ ചേട്ടനും ഭാര്യയും കുട്ടിയും പോയി. എനിക്ക് ചെറിയമ്മയുടെ ചേട്ടൻ പണ്ട് ഉപയോഗിച്ച മുറിയായിരുന്നു തന്നത്. 

ആ വീടും വീട്ടുകാരും എനിക്ക് പരിചിതമായത് കൊണ്ട് ഒരു പ്രശ്നവും ഉണ്ടായില്ല. പക്ഷേ രാവിലെ വേഗം ഒറ്റയ്ക്ക് തന്നെ എഴുന്നേറ്റു. അവിടെ പത്രം കിട്ടാൻ വൈകും. അത് കൊണ്ട് കാലി ചായയും കുടിച്ചു അവിടെ ഒക്കെ ഇറങ്ങി നടന്നു. 

നല്ല സ്ഥലം ആണ്. ഇപ്പോൾ 6:30 ആയെ ഉള്ളൂ ചെറിയമ്മയുടെ അച്ഛനും നമ്മുടെ അച്ഛനെ പോലെ കാർഷിക വിദഗ്ധൻ ആണ് ആള് രാവിലെ ചായിപ്പിലേക്ക് ഇറങ്ങുന്നത് കണ്ടപ്പോൾ തന്നെ ഞാൻ ഇപ്പറത്തെ സൈഡിലേക്ക് നീങ്ങി. 

ഇല്ലെങ്കിൽ ചിലപ്പോൾ മൂപ്പര് വർത്തമാനം പറയാൻ വരും. 

ഞാൻ ആള് കാണാതെ മുൻഭാഗത്തേക്ക് പോയി. അപ്പോഴാണ് അമ്മുവേചിയുടെ അച്ഛനും അമ്മയും ധൃതി പിടിച്ചു വീട്ടിൽ നിന്ന് ഇറങ്ങുന്നത് കണ്ടത്. എന്നെ കണ്ട് അവർ ലോഹ്യം പറഞ്ഞു ഏതോ കല്യാണം ഉണ്ട് കുറച്ചു പോകാൻ ഉണ്ട്. 7 മണിയുടെ ബസ് പിടിക്കണം. 

ഞാൻ ഉച്ചയ്ക്ക് പോകും എന്നു ഞാനും അവരോട് പറഞ്ഞു. അപ്പോഴേക്കും ചെറിയമ്മ വന്നു.  അമ്മു എഴുന്നേറ്റൊ എന്നു ചെറിയമ്മ അവരോട് വിളിച്ചു ചോദിച്ചു. “ഇപ്പോഴേ എഴുന്നേൽക്കാനോ? നിനക്ക് അവളെ അറിയില്ലേ? നമ്മൾ ഇറങ്ങുമ്പോൾ വാതിൽ അടക്കാൻ പറഞ്ഞിട്ട്, ആരും വരില്ല നിങ്ങൾ പോയ്ക്കൊ എന്നു പറഞ്ഞു തിരിഞ്ഞു കിടന്നവളാണ്. മക്കളെ ഞങ്ങൾ പോയിട്ട് വരാം” എന്നു പറഞ്ഞു അവർ ധൃതിയിൽ പോയി.