ഓലപീപ്പി [ബിൻസി] 692

എന്നെ കണ്ടാൽ അവളും അവളെ കണ്ടാൽ ഞാനും മുഖം തിരിച്ച് മാറി പോവുന്ന തരം ഒരു പട്ടി ഷോ ഞങ്ങൾ തമ്മിൽ ഉടലെടുത്തു .

പ്ലസ് ടു വേക്കേഷൻ ടൈമിൽ ഒന്നര ആഴ്ച്ചക്കാലം അത് തുടർന്നു .

മനസിനൊക്കെ പ്രണയിക്കുന്ന ആൾ മിണ്ടാതായാലുള്ള വേദന നിറഞ്ഞ ഫീൽ എനിക്ക് അനുഭവപ്പെടാൻ തുടങ്ങിയിരുന്നു .

വല്ലാത്ത ഒരു അസ്വസ്തത കാരണം എൻ്റെ  ഭക്ഷണവും ഉറക്കവുമെല്ലാം ഒന്നര ആഴ്ച്ചത്തേക്ക് കമ്മിയായിരുന്നു .

അവൾ മിണ്ടി വരട്ടെ എന്ന് ഞാനും ഞാൻ മിണ്ടി വരട്ടെ എന്ന് അവളും ഈഗോ അടിച്ച് ഒരു വഴിക്കായി മാറിയിരുന്നു .

എൻ്റെ അനിയത്തി റസീനയോടും എൻ്റെ ഉമ്മ ബീമയോടും അവൾ മിണ്ടും എങ്കിലും എന്നെ കണ്ടാൽ മൈൻ്റ് ചെയ്യാത്തത് പറഞ്ഞറിയിക്കാൻ പറ്റാത്ത വേദനയുണ്ടാക്കിയിരുന്നു എൻ്റെ മനസിൽ .

ആ കാലത്ത് ലാൻ ഫോണും ആൻ്റിന തിരിച്ച് കൊടുത്താൽ മാത്രം സിഗ്നൽ കിട്ടുന്ന ടിവിയും മാത്രമുള്ള കാലമായതിനാൽ വാട്സ് ആപ്പും കൊടചക്രവുമൊന്നും ഇല്ലാത്ത അവസഥ പറയാതെ തന്നെ നിങ്ങൾക്ക് മനസിലായി കാണും എന്ന് വിചാരിക്കുന്നു .

അങ്ങനെ ഒന്നര ആഴ്ച്ച കഴിഞ്ഞ് അവളുടെ വീട്ടിൽ പായസം ഉണ്ടാക്കിയത് കൊണ്ട് തരാനായി എൻ്റെ വീട്ടിൽ അവൾ വന്നു .

എൻ്റെ ഉമ്മ പുറക് വശത്ത് അലക്കിക്കൊണ്ട് നിന്നതിനാൽ ഞാനാണ് അവളുടെ വിളി കേട്ട് മുൻവശത്തേക്ക് ചെന്നത് .

അവളാണ് പായസവുമായി വന്നത് എന്നറിഞ്ഞ എനിക്ക് പറഞ്ഞറിയിക്കാൻ പറ്റാഞ്ഞ ഒരു നാണം അനുഭവപ്പെട്ടിരുന്നു .

” എന്താ ഇങ്ങ് പോന്നത് ? ”

എന്ന് ഞാൻ ചോദിച്ചതും അവളുടെ കണ്ണ് നിറഞ്ഞു .

അത് കണ്ട മാത്രയിൽ ഞാനും അറിയാതെ വിതുമ്പി പോയി .