ഓണക്കളി 3 [മിക്കി] 559

“പ്രിയെ… നീ കുളിക്കുവാണോ..? ഞാൻ ഓഫിസിലേക്കൊന്ന് പോയിട്ട് വരം..” പെട്ടന്നുള്ള വിച്ചുവിന്റെ വിളിയിലാണ്  ഞാൻ ആ ചെറിയ ഓർമ്മകളിൽ നിന്നും ഞെട്ടി ഉണർന്നത്..

“ഇ…ഇന്ന്‌ നി… നീ ഓഫീസിൽ പോ… ണോ..?” പിച്ചും പേയും പറയുന്നതുപോലെ വിക്കികൊണ്ട് ഞാൻ എന്തൊക്കെയോ പറഞ്ഞു, അവനത് മനസ്സിലായതുമില്ല..

“എന്താ..?”

“അല്ല.. നീ ഇന്നിനി ഓഫീസിലേക്ക് പോവണോ..? സ.. സമയം ഇത്രേം ആയില്ലേ..?” ഞാൻ എങ്ങനൊക്കെയോ പറഞ്ഞൊപ്പിച്ചു..

“എത്രേം ആയില്ലേന്ന്..? ഇപ്പൊ സമയം മൂന്നേകാൽ ആകുന്നതേയുള്ളു, ഞാൻ പോയിട്ട് പെട്ടന്ന് വരം..? വർക്ക്‌ വല്ലോം പെൻഡിംങ്ങിൽ കിടപ്പുണ്ടോന്ന്‌ അറിയാമല്ലോ..?” അവൻ പറഞ്ഞ് നിർത്തിയതും

“ഞാനെന്ന ജിൻസിയേച്ചിടെ ഫ്ലാറ്റ് വരെ ഒന്ന് പോയിട്ട് വരട്ടെ..?” ഞാൻ ചോദിച്ചു

“അച്ചായനും ചേച്ചിയും ഇന്ന് വൈകിട്ട് ഇങ്ങോട്ട് വരുവന്നല്ലെ പറഞ്ഞെ..? മാത്രമല്ല.. ചേച്ചി ഇപ്പൊ ബാങ്കിലുമായിരിക്കില്ലേ..!”

“ഇല്ല ഞാൻ കുറച്ച് മുൻപ് ചേച്ചിയെ വിളിച്ചിരുന്നു..! പനി ആയതുകൊണ്ട് ചേച്ചി ഇന്ന് ബാങ്കിൽ പോയില്ല”

“എന്ന.. എന്തുവേലും ചെയ്..! ഞാൻ എന്തായാലും ഓഫീസുവരെ ഒന്ന് പോയിട്ട് വരാം..!” അത്രേം പറഞ്ഞ് അവൻ റൂമിന് പുറത്തേക്ക് പോയി..

“ഈശ്വര.. ഞാൻ എന്ത ഇങ്ങനെ..! എത്ര മറക്കാൻ ശ്രെമിച്ചിട്ടും ഓരോ കാര്യങ്ങൾ സിനിമ കാണുന്നതുപോലെ എന്റെ കണ്മുന്നിൽ തെളിഞ്ഞ് വരുവാണല്ലോ.. എനിക്ക് എന്റെ മനസ്സിനെ നിയന്ത്രിച്ച് നിർത്താൻ കഴിയാത്തതെന്ത..?” ഞാൻ ബാത്റൂമിൽ നിന്ന് ആലോചിച്ചു.