ഓണക്കളി 3 [മിക്കി] 559

“എനിക്ക് ചേച്ചിയോട് കുറച്ച് കാര്യങ്ങൾ പറയാനുണ്ട്” ഒട്ടും വളച്ചുകെട്ടില്ലാതെ എടുത്തടിച്ചതുപോലെ ഞാൻ ചേച്ചിയോട് പറഞ്ഞു.

“എന്താടി..? എന്തോ പറ്റി..?” എനിക്കെന്തോ കാര്യമായി പറയാനുണ്ട് എന്ന് മനസ്സിലാക്കിയ ചേച്ചി മുഖം സ്വല്പം സീരിയസ്സാക്കി എന്നോട് ചോദിച്ചു.

“അതെങ്ങനെ പറഞ്ഞ് തുടങ്ങണം എന്നെനിക്കറിയില്ല ചേച്ചി..! പക്ഷെ ചേച്ചിയോടെങ്കിലും ഞാൻ മനസ്സ് തുറന്ന് എല്ലാം പറഞ്ഞില്ലെങ്കിൽ ഞാൻ ചിലപ്പോ വീർപ്പുമുട്ടി ചത്തുപോകും..!”

“എന്താടി..? എന്ത പ്രശ്നം..? നീ കാര്യം പറ..!” സംഭവം സീരിയസ്സാണെന്ന് മനസ്സിലാക്കിയ ചേച്ചി എന്നോട് ചേർന്ന് എന്റെ അടുത്ത് വന്നിരുന്നു..

“ഞാൻ പറയുന്ന കാര്യങ്ങൾ നമ്മൾ രണ്ടുപേരുമല്ലാതെ മൂന്നാമതൊരാൾ അറിയാൻ ഇടവരരുത്.. പ്രെത്യേകിച്ച് വിച്ചു..! പ്രോമിസ് ചെയ്” ഞാൻ വലത് കൈ ചേച്ചിക്ക് നേരെ നിട്ടി. എന്റെ കൈക്ക് മുകളിൽ കൈവച്ച് ആരോടും പറയില്ല എന്ന് ചേച്ചി സത്യം ചെയ്തു.

എന്റെ എല്ലാ ധൈര്യവും സംഭരിച്ച്.. ഒരു ദീർഘ ശ്വാസം എടുത്തുവിട്ടുകൊണ്ട് ഞാൻ പറഞ്ഞുതുടങ്ങി..

********

നാട്ടിലേക്ക് പോകുന്നതിന് രണ്ട് ദിവസം മുൻപ്.. ഞാനും വിച്ചുവും ലുലുമാളിലേക്ക് പർച്ചേസിംങ്ങിന് ഇറങ്ങാൻ നിൽക്കുമ്പോഴാണ് എന്റെ ഫോണിലേക്ക് ഒരു കോൾ വന്നത്..  ഫോൺ എടുത്ത് നോക്കിയപ്പോഴാണ്  അത് നാട്ടിലെ നമ്പർ ആണെന്ന് മനസ്സിലായത്. ആരായിരിക്കും എന്ന സംശയത്തോടെ ഞാൻ കാൾ അറ്റന്റ് ചെയ്തു “ഹലോ” പക്ഷെ മറുതലയ്ക്കൽ നിന്ന് പ്രതികരണം ഒന്നും ഉണ്ടായിരുന്നില്ല.. ഞാൻ വീണ്ടും വീണ്ടും ഹലോന്ന് വച്ചു അപ്പഴും പ്രതികരണമില്ല.. ഫോൺ കട്ടാക്കിയ ഞാൻ തിരിച്ച് വിളിച്ചു.. ആദ്യം രണ്ട്തവണ  റിംങ് ചെയ്തെങ്കിലും മറുതലയ്ക്കൽ നിന്നും കട്ടാക്കി.. ദേഷ്യംവന്ന ഞാൻ വീണ്ടും വിളിച്ചപ്പോൾ സ്വിച്ച്ഓഫ്‌..