ഓണക്കളി 3 [മിക്കി] 559

“അല്ല… പ്രിയ എന്ത ഒന്നും മിണ്ടാതെ നിൽക്കുന്നെ..? നാട്ടിന്ന് തിരികെ വന്നതിന്റെ വിഷമത്തിലാണോ..?” അച്ചായന്റെ ആ ചോദ്യം എന്നോടായിരുന്നു.. എന്തൊക്കെയോ ചിന്തിച്ച് മറ്റെവിടെയോ നോക്കി നിന്നിരുന്ന ഞാൻ അച്ചായന്റെ ചോദ്യം കേട്ടാണ് അച്ചായന്റെ മുഖത്തേക്ക് നോക്കിയത്..

“ഏയ്‌ അങ്ങനെ ഒന്നും ഇല്ലച്ചായാ .. യാത്ര ചെയ്തതിന്റെ ചെറിയൊരു ക്ഷീണം..” ഞാൻ എങ്ങനെയൊക്കെയോ പറഞ്ഞൊപ്പിച്ചു, സത്യത്തിൽ ഒന്നിനും മറുപടി പറയാൻ പറ്റിയ അവസ്ഥയിലായിരുന്നില്ല ഞാൻ, എത്രേം പെട്ടന്ന് ഫ്ലാറ്റിൽ ചെല്ലണം..! എല്ലാം മറന്ന് ഒന്ന് ഉറങ്ങണം..! അത് മാത്രമായിരുന്നു എന്റെ ചിന്ത.

ഞങ്ങളുടെ ഫ്ലാറ്റിലേക്കുള്ള യാത്രയ്ക്കിടയിലും കാർ ഡ്രൈവ് ചെയ്യുന്ന അച്ചായൻ വീണ്ടും എന്തൊക്കെയോ വിശേഷങ്ങൾ എന്നോടും വിച്ചുവിനോടും ചോദിച്ചുകൊണ്ടേ ഇരുന്നു. അച്ചായന്റെ ചോദ്യങ്ങൾക്കൊക്കെ ഞാൻ ഒറ്റവാക്കിൽ മറുപടി കൊടുത്ത് സംസാരിക്കാൻ ഒട്ടും താല്പര്യം ഇല്ലാത്ത രീതിയിൽ ക്ഷീണത്തോടെ ഇരുന്നു, അത് മനസ്സിലാക്കിയിട്ടാവണം അച്ചായൻ പിന്നൊന്നും എന്നോട് അധികം സംസാരിക്കാൻ നിന്നില്ല.

എടാ വിച്ചു എൽസി ഇപ്പൊ എങ്ങനെ ഇരിക്കുന്നട..? സ്വല്പം തടി വച്ചനൊക്കെ എലീന പറഞ്ഞിരുന്നു..! അവൾ ഇവിടുന്ന് നാട്ടിലേക്ക് പോയതിൽപിന്നെ ഒന്ന് രണ്ട് തവണ മാത്രമല്ലെ ഞാൻ അവളെ നേരിട്ട് കണ്ടിട്ടുള്ളു..! പിന്നെല്ലാം വീഡിയോ കോളിലൂടെ അല്ലായിരുന്നോ..! ഇപ്പൊ ആള് എങ്ങനെ ഇരിക്കുന്നട…?” അച്ചായൻ വിച്ചുവിനോട് ചോദിച്ചു.