ഓണം ബമ്പർ 2 [റോക്കി ഭായ്] [Climax] 402

താളം പിടിച്ചും ഞങ്ങൾ വെള്ളമടി മുന്നോട്ട് കൊണ്ട് പോയി..

ഞങ്ങളെ കാണാതെ അവൾ മുകളിലേക്ക് കേറി വന്നു.

“ചേട്ടാ.. ദേ കുട്ടികൾ രണ്ടും അമ്മയുടെ ഒപ്പം ഉറങ്ങി.. ഞാൻ റൂമിൽ ഉണ്ടാകും.. നിങ്ങൾക്കുള്ളത് മേശയിൽ വച്ചിട്ടുണ്ട്.. കഴിച്ചിട്ട് ബാക്കി ഫ്രിഡ്ജിൽ വക്കണേ..”

“ഹാ.. ഓക്കേ..”

നല്ല ഫിറ്റ്‌ ആയിരുന്നു അവൻ. കുപ്പി കാലിയാകാറായി. ഞാൻ മൂന്ന് പാട്ട് കൂടി പാടി. നല്ല മൂഡ് ആയിരുന്നു.അവൻ എണീറ്റ് സ്റ്റെപ് ഇടാൻ ഒക്കെ തുടങ്ങി.. പക്ഷെ പന്തിയല്ലെന്ന് കണ്ട ഞാൻ അവനെ പിടിച്ചിരുത്തി.അമ്മാതിരി ആടിക്കുഴയൽ ആയിരുന്നു. ഇനിയും അടിച്ചാൽ ടെറസിൽ കിടക്കേണ്ടി വരും എന്ന് തോന്നിയ ഞാൻ അവനെ പിടിച്ചു താങ്ങി സ്റ്റെപ് ഇറങ്ങി.. ഇറങ്ങുമ്പോഴും നാവിൽ വയലാറിന്റെയും ദേവരാജൻ മാസ്റ്ററുടെയും പാട്ടുകൾ ഓടി മറയുന്നുണ്ടായിരുന്നു. സോഫയിൽ ആളെ കൊണ്ടിരുത്തി ഞാൻ അവളെ വിളിച്ചു.

“ആ ബെസ്റ്റ്.. അടിച്ചു ഓഫ്‌ ആയല്ലോ.. ഇനി ഫുഡ്‌ ഇറങ്ങോ ഇങ്ങേർക്ക്?”

“ഫുഡ്‌ ഒക്കെ ആള് കൊറേ കഴിച്ചതാ. എന്നാലും ചോദിച്ചു നോക്ക്”

ഫുഡ്‌ കഴിക്കാൻ പോയിട്ട് പച്ചവെള്ളം ഇറക്കാൻ പറ്റാത്ത അവസ്ഥ ആയിരുന്നു ഷിജുവിന്റെ. ഞാൻ പുള്ളിയെ പൊക്കി ബെഡ് റൂമിൽ കൊണ്ട് കിടത്തി ഗുഡ്നൈറ്റ് പറഞ്ഞു.

അപ്പോഴും എന്റെ കൈ വിടാതെ പിടിച്ചു കൊണ്ട് എന്റെ പേര് വിളിക്കുകയും പിച്ചും പേയും പറയുകയും ഒക്കെ ചെയ്യുന്നുണ്ടായിരുന്നു.എൻജിൻ ഔട്ട്‌ കംപ്ലീറ്റെലി എന്ന് ഞങ്ങൾക്ക് മനസ്സിലായി..വർത്താനം കുറേശ്ശേ ആയി നിന്ന് കൊണ്ട് പുള്ളി ഉറക്കത്തിലേക്ക് വീണു.