ഓൺലൈൻ ആങ്ങള 7 [ഗില്ലി ബാല] 29

ഞങ്ങളുടെ വിശേഷങ്ങൾ ചോദിക്കാനുള്ള ഊഴം അടുത്തത് അജ്മലിന്റേതായിരുന്നു. അവൻ ചായക്കപ്പ് ടീപ്പോയിയിൽ വെച്ചുകൊണ്ട് വളരെ താല്പര്യത്തോടെ ഞങ്ങളെ നോക്കി.
​അജ്മൽ: “അല്ല മഹേഷേട്ടാ, നിങ്ങളെ കണ്ടിട്ട് വലിയ വ്യത്യാസമൊന്നും തോന്നുന്നില്ലല്ലോ. വിവാഹം കഴിഞ്ഞിട്ട് എത്ര കാലമായി?”
​ഞാൻ അമ്മുവിനെ ഒന്ന് നോക്കി കണ്ണിറുക്കി. ഒരു ചെറിയ കുസൃതി കാണിക്കാൻ തന്നെ ഞാൻ തീരുമാനിച്ചു.
​ഞാൻ: “അയ്യോ, ഞങ്ങൾ വിവാഹമൊന്നും കഴിച്ചിട്ടില്ലടാ. ഇവൾ എന്റെ ഭാര്യയൊന്നുമല്ല. ഞങ്ങൾ ലിവിംഗ് ടുഗദർ (Living together) ആണ്. വിവാഹം എന്ന ചടങ്ങിലൊന്നും ഞങ്ങൾക്ക് അത്ര വിശ്വാസമില്ല.”
​അതു കേട്ടതും അജ്മലിന്റെയും ഹൻസിയയുടെയും കണ്ണുകൾ വിടർന്നു. അവർ പരസ്പരം ഒന്ന് നോക്കി. ഈ കാലഘട്ടത്തിൽ ഇതൊക്കെ സാധാരണമാണെങ്കിലും, പെട്ടെന്ന് കേട്ടപ്പോൾ അവർക്കൊന്ന് അത്ഭുതം തോന്നി.
​ഹൻസിയ: “സത്യമാണോ? വീട്ടിൽ അറിഞ്ഞാൽ പ്രശ്നമാവില്ലേ? പ്രത്യേകിച്ചും കേരളത്തിൽ ഇതൊക്കെ അല്പം റിസ്ക് ഉള്ള പരിപാടിയല്ലേ?”
​ഞാൻ: (ചിരിച്ചുകൊണ്ട്) “അതിപ്പോ… വീട്ടുകാർ അറിഞ്ഞാലല്ലേ പ്രശ്നം. അവർക്ക് ഞങ്ങൾ സുഹൃത്തുക്കളോ സഹപ്രവർത്തകരോ ഒക്കെയാണ്. പിന്നെ ഈ കാലത്ത് ഓരോരുത്തരുടെ ഇഷ്ടമല്ലേ പ്രധാനം.”
​എന്റെ ആ ഡയലോഗ് കേട്ടപ്പോൾ അമ്മു എന്നെ ഒന്ന് കൂർപ്പിച്ചു നോക്കി. ഞാൻ അവളെ ഒരു ‘വെടി’ ടൈപ്പ് ഫ്രണ്ട് ആയിട്ടാണ് അവതരിപ്പിച്ചതെന്ന് അവൾക്ക് മനസ്സിലായി.
​ഹൻസിയ: “എന്നിട്ട് എന്നാ പിന്നെ ഒരു കല്യാണം? എന്നെങ്കിലും കെട്ടണ്ടേ?”