ഒരു നനുത്ത നോട്ടം നീട്ടി ജ്യോതി ചോദിച്ചു,
” ചിലപ്പോ..? ”
” ചിലപ്പോ…!”
രാജി ഒരു ദീര്‍ഘനിശ്വാസത്തോടെ തലകുനിച്ചു. അവളുടെ കാൽപാദങ്ങളിലേക്ക് മിഴിനീരിറ്റു. മഴ തന്നതിലും കൂടുതലൊരു തണുപ്പ് ജ്യോതിയറിഞ്ഞു. അവളുടെ നനഞ്ഞ നോട്ടത്തില്‍ രാജി അല്പം അവ്യക്തയായി. ജ്യോതി കട്ടിളയിലേക്ക് തല ചായ്ച്ചു. അവർക്കിടയിലേക്ക് സന്ധ്യാകിരണങ്ങളോടൊപ്പം കാറ്റിറങ്ങി വന്നു….
ജ്യോതി കുളിച്ച് ഡ്രെസ്സ് മാറി വന്നപ്പോള്‍ രാജി വിളക്ക് വച്ച് നാമജപത്തിലായിരുന്നു. അമ്മ വന്നിരുന്നു. അച്ഛന്‍ വരാനാകുന്നേയുള്ളൂ. ജ്യോതി രാജിയോടൊപ്പം ഇരുന്നു. കൈകൂപ്പി പ്രാർത്ഥിക്കുന്നതിനിടയിൽ അവൾ രാജിയെ ഒന്ന് നോക്കി. അവളുടെ ഇടത്തേക്കവിളിൽ ഒരു മുഖക്കുരു മുളച്ചിരിക്കുന്നത് ജ്യോതി കണ്ടു. വിരിഞ്ഞ, വെളുത്ത നെറ്റിയില്‍ ഭസ്മക്കുറിയിട്ടിരുന്നു. വെയിലിന്റെ മഞ്ഞനിറമുള്ള ബനിയനിൽ ഒതുക്കമുള്ള, വടിവൊത്ത അവളുടെ ശരീരം ആരോ വരച്ചുവെച്ചതു പോലെയുണ്ടെന്ന് ജ്യോതിക്ക് തോന്നി. ഇടക്ക് ഒന്ന് ഒളികണ്ണിട്ട് നോക്കിയപ്പോള്‍ ജ്യോതി തന്നെ നോക്കിയിരിക്കുന്നത് കണ്ട രാജി ചമ്രം പടിഞ്ഞിരിക്കുന്ന അവളുടെ തുടയിൽ ഒരു നുള്ള് വച്ചുകൊടുത്തു. ചെറിയൊരു നീറ്റൽ വിളിയോടെ ജ്യോതി കാലനക്കി. രാജി കണ്ണുരുട്ടി കാണിച്ചു. ജ്യോതി പരിഭവിച്ചുകൊണ്ട് പ്രാർത്ഥനയിലേക്ക് കടന്നു. അടുക്കളയില്‍ നിന്ന് തിരിയുമ്പോഴും മുറിയില്‍ പോകുമ്പോഴും ഭക്ഷണം കഴിക്കുമ്പോഴുമെല്ലാം ജ്യോതി കൗതുകത്തോടെയോ, പ്രണയത്തോടെയോ ഒക്കെ തന്നെ നോക്കുന്നത് രാജി അറിയുന്നുണ്ടായിരുന്നു. അന്നേരമൊക്കെ അവൾ കണ്ണുകള്‍ കൊണ്ട് ജ്യോതിയെ വഴക്ക് പറഞ്ഞു. അടുക്കളയിലെ പണികള്‍ കഴിഞ്ഞ് ജ്യോതി കിടക്കാന്‍ മുറിയില്‍ ചെന്നപ്പോള്‍ രാജി അവളെ കാത്ത് അവിടുണ്ടായിരുന്നു. വാതിലടച്ച് ജ്യോതി വന്ന് തന്റെ കട്ടിലില്‍ ഇരുന്നപ്പോൾ രാജി ചോദിച്ചു,
“എന്താ കുഞ്ഞാ നിന്റെ ഉദ്ദേശം? എന്തിനാ ഏത് നേരവും എന്നെയിങ്ങനെ നോക്കണേ…? അമ്മയോ അച്ഛനോ കണ്ടാൽ…”
“അറിയില്ല. എനിക്ക് നിന്നെ നോക്കിക്കൊണ്ടിരിക്കാൻ തോന്നാണ്…. എപ്പഴും…”
“എന്തിനാ കുഞ്ഞാ നീയിങ്ങനെയൊക്കെ ചെയ്യുന്നേ…?”
“ഞാന്‍ പറഞ്ഞല്ലോ… എനിക്കിഷ്ടായോണ്ട്…! ”
” വേണ്ട കുഞ്ഞാ…”
“എന്ത് വേണ്ടാന്ന്…? ഇഷ്ടമോ…? അതോ നോട്ടമോ…? ”
രാജി ഒന്ന് കടുപ്പിച്ച് നോക്കുക മാത്രം ചെയ്തു. ജ്യോതിക്ക് ഇപ്പോള്‍ മുൻപില്ലാതിരുന്ന ധൈര്യം തോന്നുന്നുണ്ടായിരുന്നു. അതുകൊണ്ട് തന്നെ തെല്ലൊരു കളിയോടെ ജ്യോതി തുടര്‍ന്നു,
നല്ല കഥ
തുടർന്നും എഴുതുക
ചേച്ചിയും അനിയത്തിയും തമ്മിലുള്ള പ്രണയം ആദ്യം വായിക്കുവാണ്.ഗംഭീരം ആയിട്ട് അവസാനിപ്പിച്ചു. പുതിയ കഥകൾക്ക് ആയി കാത്തിരിക്കാം
Thank you
കൊള്ളാം bro. നല്ല എഴുത്തായിരുന്നു. പലരെയും പോലെ പാതി വഴിക്ക് ഇട്ട് പോവാതെ നല്ലരീതിയിൽ അവസാനിപ്പിച്ചതിന് Congratulations. തുടർന്നും എഴുതണം.
We will support you always❤
Thank you. ഇനി എഴുതുന്നുണ്ടെങ്കിൽ മറ്റൊരു പേരിലായിരിക്കും എഴുതുക. ഹരി എന്ന പേരില്‍ വേറൊരു എഴുത്തുകാരന് ഇവിടെ ഉള്ളത് എനിക്ക് അറിയില്ലായിരുന്നു.
മനോഹരമായ ഒരു പ്രണയകഥ വായിച്ചു തീർന്നതിൻ്റെ സന്തോഷം. എഴുത്തുകാരന് നന്ദി. ?
??????
Thank you. തുടക്കം മുതല്‍ തന്ന പിന്തുണയ്ക്ക് നന്ദി. നിങ്ങള്‍ കുറച്ചുപേര്‍ ഇല്ലായിരുന്നെങ്കിൽ ഞാന്‍ ചിലപ്പോള്‍ ഇത് ഇട്ടിട്ട് പോയേനേ.
ഇതിന് കാര്യമായ സ്വീകരണം കിട്ടാത്തതിൽ എനിക്കദ്ഭുതമുണ്ട്. ഒരുപക്ഷേ കുറേ ബിൽഡ്അപ് ഒക്കെ വരുന്നത് എല്ലാവർക്കും ഇഷ്ടപ്പെടില്ലായിരിക്കും. But that’s what makes this story beautifuk.
എന്റെ ഒരു ശൈലി detailing ഒക്കെ കൊടുത്തുള്ള എഴുത്താണ്. എനിക്ക് കൂടുതല്‍ ഇഷ്ടം അതാണ്. ഇവിടെ കണ്ടിട്ടില്ലാത്ത ഒരു കഥാപരിസരം വേണം ആദ്യം എഴുതാന്‍ എന്ന് നിർബന്ധമുണ്ടായത് കൊണ്ടാണ് ഇങ്ങനെ ഒരു കഥ തിരഞ്ഞെടുത്തത്. പിന്നെ കഥയ്ക്ക് എന്തുകൊണ്ട് സ്വീകാര്യത കുറഞ്ഞു എന്ന് എനിക്കും വലിയ പിടിയില്ല. എന്തായാലും എഴുതി തീർക്കാൻ കഴിഞ്ഞതില്‍ സന്തോഷമുണ്ട്.
നന്നായിട്ടുണ്ടായിരുന്നു bro
ഒരു പാട് ആസ്വാദനത്തോടെ വായിചു
ഇഷ്ടമായി ഇനിയും ഇതുപോലെ ത്രീവ വികാരങ്ങൾ ഉള്ള കഥകൾ ആയി ്് വരണമെന്ന് ആഗ്രഹിക്കുന്നു
നന്ദി.
മറ്റു കഥകളുമായി വരാന്‍ ശ്രമിക്കാം.
എഴുതിയ ആളിന്റെ പേര് ഹരി… പെണ്ണുങ്ങളുടെ ലെസ്ബിയൻ പ്രണയം എത്ര നന്നായി എഴുതിയിരിക്കുന്നു.. ഹരി ശരിക്കും ഒരു പെണ്ണാണോ… എത്ര നല്ല എഴുത്ത്… ജ്യോതിയുടെ ചേച്ചിയോടുള്ള പ്രണയം എത്ര ഭംഗിയായി വരച്ചിട്ടിരിക്കുന്നു… അത് വളരെ സ്വഭാവികമായി ഫീൽ ചെയ്യുന്നത് പോലെ ഉള്ള എഴുത്ത്… വായനക്കാർ എല്ലാവരും ജ്യോതി, രാജിയുമായി ചേരണമെന്ന് ഉള്ളു കൊണ്ട് ആഗ്രഹിക്കും… ഒട്ടും ധൃതി കാട്ടാതെ അവരുടെ പ്രണയം വളരുന്നത് നമുക്ക് കാണാൻ കഴിഞ്ഞു…. ഒരു പുരുഷനായ ഞാൻ പോലും ജ്യോതിയുടെ കൂടെ ആയിരുന്നു.. ആ മനസ്സിന്റെ കൂടെ ആയിരുന്നു..
ഹരിക്ക് ഒരു ബിഗ് സല്യൂട്ട്…
ഞാന്‍ ഒരു പുരുഷന്‍ തന്നെയാണ്. ഈ എഴുത്തിലെ ഏറ്റവും challenging ആയ കാര്യവും ഒരു സ്ത്രീയുടെ perspective-ൽ നിന്ന് എഴുതുക എന്നതായിരുന്നു. പിന്നെ ഈ സ്വവർഗ്ഗാനുരാഗങ്ങൾ എങ്ങനെ ഉടലെടുക്കുന്നു എന്ന് ഒട്ടും അറിയാത്ത പ്രശ്നവുമുണ്ടായിരുന്നു. അതുകൊണ്ട് തികച്ചും ഒരു ഭാവനാസൃഷ്ടിയായിരുന്നു ഈ കഥ. വായിച്ചതിനും അഭിപ്രായം അറിയിച്ചതിനും നന്ദി.