ഒരു ബ്ലാക് മെയിലിങ് അപാരത [Dr. Wanderlust] 1355

അതിനും നല്ല കിടിലൻ തെറി തന്നെയായിരുന്നു മറുപടി… ഞാൻ പിന്നെയും കുറേ സംസാരിച്ചിട്ടാണ് അവന്റെ ദേഷ്യമൊന്നു കുറഞ്ഞത്…

“നീയാ ബില്ലിംഗ് അയയ്ക്ക് ഞാൻ ഇപ്പോൾ ശരിയാക്കിത്തരാം..” ഞാൻ പറഞ്ഞു.

“ഓഹ്.. എന്തിനു.. എന്തായാലും ഉമ്മയുടെ, പെങ്ങളുടെയും മുൻപിൽ ഞാൻ നാണം കെട്ടു.. കൂട്ടുകാരന്റെ കടയാണ്.. ഡിസ്‌കൗണ്ട് കിട്ടും.. എന്നൊക്കെ പറഞ്ഞിട്ട് ആകെ ചമ്മി ഞാൻ…” അവൻ വീണ്ടും കലിപ്പായി.

“അളിയാ നീയൊന്ന് ക്ഷമി, ഞാൻ പുറത്തു പോയത് കൊണ്ടല്ലേ.. നീ ആ ബില്ലിന്റെ ഫോട്ടോ ഇട്.. ഡിസ്‌കൗണ്ട് ഞാൻ gpay ചെയ്തു തരാം…”

ഞാൻ പറഞ്ഞു…

കുറേ നേരത്തെ സംസാരത്തിന് ശേഷം അവൻ ബില്ല് ഇടാമെന്ന് സമ്മതിച്ചു.. ഷോപ്പിൽ നിന്നു കിട്ടിയ ബില്ല് അവൻ വാട്സ്ആപ്പ് ചെയ്തു തന്നു..

8550 രൂപ ബില്ലിൽ ആകെ കൊടുത്തിരിക്കുന്ന ഡിസ്‌കൗണ്ട് നൂറ്റിയൻപത് രൂപ.. ഹോ വല്ലാത്ത ഡിസ്‌കൗണ്ട് ആയിപ്പോയി.. ചുമ്മാതല്ല അവൻ തെറി വിളിച്ചത്… ഞാൻ അവന്റെ നമ്പറിലേക്ക് ഒരു ആയിരം gpay ചെയ്തു…

“അളിയാ.. ഹാപ്പി 👍🏻 ” എന്നൊരു മെസ്സേജ് കൂടി കൂട്ടത്തിൽ അയച്ചു…

“😡😏” എന്നൊരു റിപ്ലൈ മാത്രം തിരികെ കിട്ടി..

തെറി കാണാത്തതിനാൽ അവൻ ഡിസ്‌കൗണ്ടിൽ തൃപ്തനായെന്ന് എനിക്ക് മനസ്സിലായി…

ഞാൻ ബില്ലിലെ സമയം വച്ചു ചുമ്മാ cctv ഒന്ന് നോക്കി.. തിരക്കുള്ള സമയമാണ്.. ജോസേട്ടനാണ് കാഷ്യർ … ആൾ കസ്റ്റമേർസിനോട് ചിരിച്ചു കൊണ്ട് സംസാരിക്കുന്നൊക്കെയുണ്ട്.. അനസിന്റെ ഉമ്മയും, പെങ്ങളും കൌണ്ടറിലേക്ക് വരുന്നതും ബില്ല് കിട്ടിയ ശേഷം ഫോൺ വിളിക്കുന്നതും കണ്ടു… പാവങ്ങൾ പത്ത്‌ പതിനഞ്ചു മിനിറ്റ് അവിടെ വെയിറ്റ് ചെയ്തു… സാരമില്ല ഇനി കാണുമ്പോൾ ഒരു സോറി പറയാം..