ഒരു ഇലക്ഷന്‍ ഡ്യൂട്ടി അപാരത 3 [Vijay Das] 1569

“അയ്യോ പോ…പ്ലീസ്”

“അങ്ങനെ പറഞ്ഞാലെങ്ങനാ, നാളെ പോളിങ് സുഗമമായി നടത്താനുള്ള എന്തെല്ലാം കാര്യങ്ങള്‍ പഠിപ്പിക്കാനുണ്ട്…”

“അതവിടുന്ന് ചെയ്യാമായിരുന്നില്ലേ…ഇതെന്താ എന്നെ മാത്രം…”

“ങ്ഹാ അവരൊക്കെ നേരത്തെ ചെയ്ത് പരിചയമുള്ളവരല്ലേ, മൃദുലയല്ലേ ആദ്യമായി…” ഞാന്‍ ഒരു പ്രത്യേക കള്ളച്ചിരിയോടെ അവളെ നോക്കി.

“ഞാന്‍ എല്ലാം നോക്കി ചെയ്തോളാം, ഇതുവരെ ഞാന്‍ വല്ലോം തെറ്റിച്ചാരുന്നോ?” പരിഭവത്തോടെ മൃദുല പറഞ്ഞു.

“അങ്ങനെ ചോദിച്ചാ, പോളിങ് ഒന്നും തെറ്റിച്ചൊന്നുമില്ല, എന്നാലും പോളിങ്ങിനെ ബാധിക്കാവുന്ന ചില ചീത്ത സ്വഭാവങ്ങളൊക്കെ ഒന്നു മാറ്റിയെടുക്കാനുണ്ട്. അതില്‍ ട്രെയിനിങ് തരാനല്ലേ ഞാനിപ്പൊ വന്നത്.”

“ചീത്ത സ്വഭാവമോ? എനിക്കോ? എന്ത്?” മൃദുല അമ്പരന്നു.

“നാണം” ഞാന്‍ പറഞ്ഞു. മൃദുലയുടെ മുഖത്ത് ആദ്യം അമ്പരപ്പും പിന്നെ അക്കിടി പറ്റിയ ഭാവവും ചെറിയ ദേഷ്യവും എല്ലാം കൂടി വന്നു, പിന്നാലെ ചെറിയ നാണവും.

“ദാ കണ്ടോ…ഇതാ ഞാന്‍ പറഞ്ഞേ” ഞാന്‍ ചിരിച്ചുകൊണ്ട് പറഞ്ഞു.

മൃദുല പെട്ടെന്ന് കഷ്ടപ്പെട്ട് മുഖത്ത് ഗൌരവം കൊണ്ടുവന്ന് പറഞ്ഞു “എനിക്ക് നാണമൊന്നുമില്ല.”

“ഇല്ലേ? നോക്കട്ടെ…” ഞാന്‍ പെട്ടെന്ന് കൈനീട്ടി മൃദുലയുടെ താടിയില്‍ തൊട്ടു. ഷോക്കടിച്ച പോലെ മൃദുല തലവെട്ടിച്ചതും മുഖത്ത് വീണ്ടും നാണം പ്രത്യക്ഷപ്പെട്ടു.

“ദാ കണ്ടോ” ഞാന്‍ വിജയീഭാവത്തില്‍ പറഞ്ഞു.

മൃദുല ആകെ നാണം കൊണ്ടും പരിഭ്രമം കൊണ്ടും നിന്നിടത്തു നിന്ന് തിരിഞ്ഞു. “കഷ്ടമുണ്ട് ട്ടോ”

ഞാന്‍ നേരെ ചെന്ന് മൃദുലയുടെ മുതുകിലൂടെ കൈയിട്ട് അവളെ എന്നോട് ചേര്‍ത്ത് നിര്‍ത്തി. “ഹ ഇത് മാറ്റാനല്ലേ ഞാന്‍ വന്നേ.”