ഒരു തേപ്പ് കഥ 2 [ചുള്ളൻ ചെക്കൻ] 522

ഇഷ്ടമാണെന്ന് പറഞ്ഞതിന് ശേഷം സന്ദോഷം കൊണ്ട് എനിക്ക് തുള്ളി ചാടാൻ തോന്നി… അങ്ങനെ ഞങ്ങൾ വല്ലാണ്ട് അടുത്തു… അന്ന് അവൾ ഫോൺ number തന്ന്.. അവൾ 5 മണി ഒക്കെ ആയപ്പോഴേക്ക് ഹോസ്റ്റലിലേക്ക് പോകാൻ ഇറങ്ങി…5 മണി ഒക്കെ ആയപ്പോഴേക്കും ഉമ്മിയും അഫിയും വന്ന്…

“എന്താ മോനെ വല്ലാത്ത ഒരു സന്ദോഷം ” വന്ന പാടെ ആഫി ചോദിച്ചു…

“രാവിലെ ഇവിടെ കൊണ്ട് ആക്കിയാ ആൾ വന്നു.. അതാണ് ” വിവേക് ചിരിച്ചുകൊണ്ട് പറഞ്ഞു …

“ആരാ ഇക്ക.. ഐഷ ഇത്തി ആണോ ”ആഫി എന്നോട് ചോദിച്ചു… ഞാൻ ആണെന്ന് രീതിയിൽ തല ആട്ടി…

“മോനെ അവൾ എന്ത് പറഞ്ഞു” ഉമ്മി ചോദിച്ചു…

“എന്ത് പറയാൻ… മോനെ അവൾക്ക് ഇഷ്ടമാണെന്ന്… പെട്ടന്ന് പിടിച്ചു കെട്ടിച്ചു വിട് ” എന്ന് പറഞ്ഞു വിവേക് കളിയാക്കി..

ഉമ്മിയും അഫിയും ഒരേ പോലെ എന്നെ നോക്കി.. ഞാൻ നാണത്തിൽ തല താഴ്ത്തി ആണെന്ന് മൂളി…

“എന്തായലും കൊള്ളാം ” എന്ന് പറഞ്ഞു ആഫി എന്റെ അടുത്ത് ഇരുന്നു… ഞങ്ങൾ ഓരോന്ന് സംസാരിച്ചു സമയം പോയത് അറിഞ്ഞില്ല.. ഒരു 7 മണി ഒക്കെ ആയപ്പോൾ ഐഷ എന്നെ വിളിച്ചു എല്ലാരും ഉള്ളത് കൊണ്ട് ഞാൻ ഫോൺ കട്ട്‌ ചെയ്തു…8 മണി ഒക്കെ ആയപ്പോൾ അവർ വീട്ടിലേക്ക് പോയി… ഭക്ഷണം ഒക്കെ കഴിച്ചു 9 മണി ഒക്കെ ആയപ്പോൾ ഞാൻ അവളെ അങ്ങോട്ട് വിളിച്ചു… Busy ആയിരുന്നു,അത്കൊണ്ട് ഞാൻ കട്ട്‌ ചെയ്തു.. അപ്പോൾ തന്നെ ഇങ്ങോട്ട് കാൾ വന്നു…

“ഹലോ ”കുറച്ചു ഗൗരവത്തിൽ ഞാൻ ചോദിച്ചു…

“എന്താ ഇത്ര ഗൗരവം ”

“ആരെയായിരുന്നു വിളിച്ചുകൊണ്ടു ഇരുന്നത് ” ഗൗരവത്തിൽ തന്നെ ഞാൻ ചോദിച്ചു…

“ആ..ആത്..ഉമ്മി വിളിച്ചു… സംസാരിച്ചോണ്ട് ഇരിക്കുവായിരുന്നു… ഇപ്പോഴേ സംശയം തുടങ്ങിയോ ”

“ സംശയം ഒന്നും ഇല്ല.. ഞാൻ ചുമ്മാ നിന്നെ കളിപ്പിക്കാൻ വേണ്ടി ചോദിച്ചതാ ”

“ഞാൻ നേരത്തെ വിളിച്ചപ്പോൾ എടുക്കാഞ്ഞതെന്താ ”

“അപ്പോൾ എല്ലാവരും എന്റെ അടുത്ത് ഇണ്ടായിരുന്നു… പിന്നെ എല്ലാരും അറിഞ്ഞു.. നമ്മടെ കാര്യം ”

“ഏ ” എന്നൊരു നീട്ടി വിളി മാത്രമേ കേട്ടോളു

“പേടിക്കണ്ട അവർ എല്ലാവരും എനിക്ക് സപ്പോർട്ട് ആണ് ”

അങ്ങനെ ഞങ്ങൾ സംസാരിച്ചു സമയം പോയത് അറിഞ്ഞില്ല…