ഒരു തുടക്കകാരന്‍റെ കഥ 5 369

അച്ഛച്ഛൻ അത് പറഞ്ഞപ്പോൾ അച്ഛമ്മയ്ക്ക്

ഒരു ചിരിയാണ് മുഖത്ത് വിടർന്നു. അല്ലേലും മക്കളുടെയും കൊച്ചുമക്കളുടെയും കാര്യങ്ങൾ ഇവര് ഒരു തീരുമാനം ആക്കി കാണുമല്ലോ. എന്റെ കാര്യത്തിലും ഏതാണ്ട് തീരുമാനങ്ങൾ എടുത്ത് കാണും

“ ആ പോയി ആഹാരം കഴിക്കാൻ നോക്ക് “

“നിങ്ങള് കഴിച്ചുവോ “

“ആ… കഴിച്ചു “

അവര് ആഹാരം കഴിച് കഴിഞ്ഞ് മോഹനനും അപ്പുവും കണക്ക് നോക്കലും , അമ്മുവും കുഞ്ഞമ്മയും , അമ്മയും അടുക്കളയിലേക്കും കയറി . കുഞ്ചു കുട്ടികളെ പഠിപ്പിക്കലും.

“ എന്തു തോനുന്നു ഇന്ന് പോയിട്ട് “

“കുഴപ്പമൊന്നുമില്ലാ… പെട്ടന്ന് കണക്ക് കൂട്ടാനുള്ള ഒരു കുഴപ്പമേ ഉള്ളു “

“അത് കുറച്ച് ദിവസം ചെയ്ത വരുമ്പോൾ ശെരി ആയിക്കോളും “

“മാധവേട്ടൻ എന്തു പറയുന്നു “

“പുള്ളി നല്ല സപ്പോർട്ട് ആണ് , നല്ലത് പോലെ സഹായിക്കുന്നുണ്ട്. പിന്നെ ഉച്ചയ്ക് സ്റ്റാഫിനെ ഭക്ഷണം കഴിക്കാൻ ഞാൻ ഷിഫ്റ്റ് ചെയ്ത വിട്ടത്. അതാകുമ്പോൾ തിരക്ക് കഴിയും വരെ വിശന്നിരിക്കണ്ടല്ലോ അവര് “

“ആ അതേതായാലും നന്നായി . അവർക്ക് കൃത്യ സമയത്ത്‌ ഭക്ഷണം ഭക്ഷണം കഴിക്കുകയും ചെയ്യാം ക്യൂസ്റ്റമേഴ്സിന് കാത്തിരിക്കുകയും വേണ്ടല്ലോ “

“ സ്റ്റോക്ക് ഒക്കെ ചില ഐറ്റംസ് തീരാറായി “

“ ആ അതൊക്കെ വിളിച്ചു പറഞ്ഞാൽ മതി ഡീലർമാര് എത്തിച്ചോളും .. പരമാവധി കുറെ സാധനങ്ങൾ ഒന്നിച്ച് വാങ്ങിക്കുക, ഇല്ലങ്കിൽ ട്രാൻസ്പോർട് ചാർജ് നഷ്ടമാകും “