ഒറ്റ രാത്രിയിൽ മാറിയ ജീവിതം 5 [അധീര] 551

അകത്തേക്ക് പോകുമ്പോൾ സ്മിതയെയും കൂടെ കൂട്ടുവാനും ഒരു തരത്തിലുള്ള സംശയത്തിന് ഇട വരുത്താതിരിക്കാനും അനഘ പ്രത്യേകം ശ്രദ്ധിച്ചിരുന്നു.

മഴയുടെ വരവ് അറിയിക്കുമെന്നോണം ആകാശം മാറി തുടങ്ങി ചെറിയ തണുത്ത കാറ്റ് അവിടെ വീശിക്കൊണ്ടിരുന്നു.

” അളിയാ മഴ പെയ്യും എന്ന് ഉറപ്പാണല്ലോ… ” ഷാരോൺ ആകാശത്തേക്ക് നോക്കിക്കൊണ്ട് കയ്യിൽ കരുതിയിരുന്ന പെഗ് അകത്താക്കി.

” പെയ്യട്ടെടാ മഴ പെയ്യട്ടെ… ആകാശം അതിന്റെ കണ്ണുനീർ കരഞ്ഞു തീർക്കട്ടെ അവന്റെ വേദനകൾ ഈ മണ്ണിലേക്ക് പെയ്തിറങ്ങട്ടെ…!! അങ്ങനെ അങ്ങനെ ഇല്ലാതാവട്ടെ..!! ”
ജസ്റ്റിൻ തല പുറകോട്ട് ചെരിഞ്ഞ് മുകളിലേക്ക് നോക്കി കിടന്നു കൊണ്ട് പറഞ്ഞു.

കുറച്ചു സമയം കൂടി കഴിഞ്ഞതും മഴ തുടങ്ങി അവർ കയ്യിൽ കിട്ടിയതെല്ലാം എടുത്ത് വീടിനുള്ളിലേക്ക് മാറി.

” നല്ല മഴയാണല്ലോ അളിയാ ”
ഷാരോണിന്റെ പരിഭവത്തിനു മറുപടി ആയി ജസ്റ്റിൻ ഒന്ന് പുഞ്ചിരിക്കുക മാത്രമാണ് ചെയ്തത്.

ഇടയ്ക്കെപ്പോഴോ ജസ്റ്റിൻ രണ്ടാം നിലയിലേക്ക് കയറി അവൻറെ ഫോൺ ചാർജിൽ ഇടാനായി നോക്കിയതും അവിടെ ജീവിയുടെ ഫോൺ ഓൾറെഡി ചാർജിൽ ഉണ്ടായിരുന്നു.

” പെണ്ണേ ഒന്നിങ്ങോട്ടു.. വന്നേടി ”
അവന്റെ വിളി കേട്ടതും അനഘ റൂമിലേക്ക് കയറി വന്നു.

” എന്താ ഇച്ചായ.. എൻറെ ചാർജറിൽ ജീവയുടെ ഫോൺ കിടക്കുകയാണ്.. നിൻറെ ചാർജർ ഒന്ന് തന്നെ..!! ”
അവൾ ജസ്റ്റിനു വേണ്ടി ബാഗിൽ നിന്ന് ചാർജർ പുറത്തെടുത്തുകൊണ്ടിരുന്നതും ഫോൺ എടുക്കാനായി ജീവ റൂമിലേക്ക് കയറി വന്നു.

അനഘയും ജീവയും പരസ്പരം കണ്ടു. എങ്കിലും അവൾ അവനെ ശ്രദ്ധിക്കാൻ പോയില്ല.