പി എ മല്ലിക

P A Mallika | Author : TRCI Stories

വിദേശത്ത് MBA കഴിഞ്ഞ് നാട്ടിലെത്തിയപ്പോളാണ് പപ്പയ്ക്ക് ഒരു ഹാർട്ട് അറ്റാക്ക് . തികച്ചും ബെഡ്റെസ്റ്റ് വേണമെന്ന് ഡോക്ടർ നിർദ്ദേശിച്ചതോടെ എന്നെ കമ്പനിയിൽ തന്നെ തളച്ചീടാൻ വീട്ടുകാർക്ക് അവസരമായി.

അതോടെ കൂടുതൽ പഠനമെന്ന എന്റെ മോഹവും പൊലിഞ്ഞു. നല്ല നിലയിൽ പ്രവർത്തിയ്ക്കുന്ന സ്വന്തം കമ്പനി നോക്കി നടത്തേണ്ടത് ശരിയ്ക്കും പറഞ്ഞാൽ എന്റെ കടമയുമാണല്ലോ. കാര്യങ്ങൾ നോക്കാൻ മാനേജർമാർ ഉണ്ടെങ്കിലും ഓണർ സ്ഥലത്തുണ്ടാവേണ്ടത് ആവശ്യം തന്നെ. അങ്ങനെ കാര്യങ്ങൾ എല്ലാം വകതിരിവോടെ നടത്തി കൊണ്ടുപോകാൻ തുടങ്ങി.

എല്ലാവർക്കും നല്ല സ്നേഹവും ബഹുമാനവും. പക്ഷെ നാട്ടിലെ ജോലി പ്രശ്നത്തിന്റെ കാഠിന്യം മനസ്സിലാക്കിയത് മുതലാളിയൂടെ കസേരയിലിരുന്നപ്പോളാണ്. ദിവസവും അനേകം റെക്കമെന്റേഷൻസ്, രാഷ്ട്രീയക്കാരും, ട്രെയിഡ് യൂണിയൻ നേതാക്കളൂം എന്നു വേണ്ട എല്ലാ തുറകളിൽ നിന്നുമുള്ളവർക്കും ജോലിയ്ക്ക് വേണ്ടിയുള്ള റെക്കമെന്റേഷൻസ് മാത്രം.

അതൊരു തലവേദനയായി തീർന്നപ്പോൾ ആ കാര്യം പെർസണൽ മേനേജരെ ഏൽപ്പിച്ചു.

അന്നൊരു ദിവസം കമ്പനിയിൽ എത്തിയപ്പോൾ റിസെപ്ഷനിൽ വലിയ ആൾക്കൂട്ടം. അന്വേഷിച്ചപ്പോൾ അറിഞ്ഞു. അന്ന് ഒരു ഇന്റർവ്യൂവിന് ആളുകളെ വിളിച്ചിരുന്നു, പക്ഷെ കാർഡയച്ചതിൽ എന്തോ ടൈപ്പിങ്ങ് എറർ വന്നതിനാൽ ഒരുപാട് കേന്റിഡയിറ്റ്‌സ് വന്നിരിയ്ക്കുന്നു.

പെഴ്സണൽ മേനേജർ അവിചാരിതമായി ഒരു കാർ ആക്‌സിഡന്റിൽ പെട്ട് കാൽ ഫ്രാക്ചറായി ഹോസ്പിറ്റലിൽ അഡ്മിറ്റായിരിയ്ക്കുന്നു. ഇന്റർവ്യൂ മാറ്റിവെയ്ക്കാമെന്ന് വച്ചാൽ ദൂരദിക്കുകളിൽ നിന്ന് വന്നവരുടെ എതിർപ്പുകൾ, കമ്പനിയുടെ റെപ്യുട്ടെഷൻ കളയേണ്ടന്നു കരുതി ഞാൻ തന്നെ ഇന്റർവ്യൂ നടത്താമെന്നു വെച്ചു. പക്ഷെ അത്രയധികം ആളുകളെ അന്നു മുഴുവൻ നോക്കിയാലും തീരില്ല.