പാപികളുടെ ലോകം 1 [കൊമ്പൻ മീശ] 538

പെട്ടെന്ന് അവൾ ചാടിയെണീച്ചുകൊണ്ട് ചോദിച്ചു, “എടാ നിന്നെ ഞാൻ എന്റെ വീട്ടിലേക്ക് കൊണ്ടുപോട്ടെ! നീ എന്റെ വീട്ടുകാരെ ഒന്നും കണ്ടിട്ടില്ലല്ലോ. എനിക്ക് അവർക്ക് നിന്നെ കാണിച്ചുകൊടുക്കണം.”

“കൊണ്ടുപോകുക മീൻസ് വല്ല സഞ്ചിയിലുമിട്ടിട്ടാണോ?”

“ഒന്നുപോടാ ഞാൻ സീരിയസാണ്.”

“അതുവേണോ?”

“എടാ എന്റെ ബെസ്റ്റ് ഫ്രണ്ടിനെ എന്റെ വീട്ടുകാരും കാണണ്ടേ? എന്നിട്ട് അടുത്ത വെക്കേഷന് നമുക്ക് നിന്റെ നാട്ടിലും പോവാം മാമനേയും മാമിയെയും ദിവ്യയെയും കാണാൻ.”

“അതല്ല, നിന്റെ വീട്ടിൽ ഒരു ചെറുക്കനെ കൊണ്ടുവന്നാൽ നിന്റെ ഉപ്പയും ഉമ്മയുമൊക്കെ,”

“ഉപ്പ എന്റെ കുട്ടിക്കാലത്തൊക്കെ പുലിയായിരുന്നു, ഇപ്പൊ പാവമാണ്. ഉമ്മ പിന്നെ പണ്ടേ പാവമാണ്. പിന്നെ ഇക്കാക്കയുടെ ഷംനത്ത എന്റെ ചക്കരയാണ്. ആകെയുള്ള കുഴപ്പം ഇക്കാക്കയാണ്. മൂപ്പർ പിന്നെ ഗൾഫിലാണല്ലോ.”

“ശരി പക്ഷെ നീ ആദ്യം പോ. ഞാൻ ശനിയാഴ്ച നേരിട്ട് എത്താം. ഒന്നാമത് എനിക്ക് ഇവിടെ ഒരു ചെറിയ പരിപാടിയുണ്ട്. പിന്നെ ആദ്യമായിട്ട് പോവുമ്പോ നിന്റെ കൂടെ വരുന്നത് ശരിയല്ല.”

“ഓ ശരി സാറേ. സാർ പറയുമ്പോലെ,” അവർ പൊട്ടിച്ചിരിച്ചു.

അങ്ങനെ, ഒരു കടുത്ത സൗഹൃദത്തിന്റെ പാരമ്യത്തിലാണ് വിനയിന് മുനീറയുടെ വീട്ടിലേക്ക് ക്ഷണം കിട്ടുന്നതും അവൻ പുറപ്പെടുന്നതും.

വീടിന്റെ ഗെയ്റ്റ് തുറക്കുന്ന ശബ്ദം കേട്ടപ്പോൾ മുനീറയ്ക്ക് ഉറപ്പായിരുന്നു അത്‌ വിനയ് ആകുമെന്ന്. അവൾ ഓടിപ്പോയി.അവളുടെ പ്രതീക്ഷ ശരിയായിരുന്നു. ബുള്ളറ്റിൽ നിന്നിറങ്ങിയ വിനയ് മുനീറയുടെ വലിയപുരയ്ക്കൽ മുനീറ മൻസിലിന്റെ മുറ്റത്തുതന്നെ നിന്നു. കുറച്ചു പഴയതെങ്കിലും വലിയൊരു കോണ്ക്രീറ്റ് സൗധമായിരുന്നു മുനീറയുടെ വീട്. “വീട് ഞങ്ങൾ കൊടുക്കുന്നില്ല ബ്രോക്കറെ,” മുറ്റത്തുനിന്നുകൊണ്ടുതന്നെ വീടിന്റെ ഭംഗി ആസ്വദിച്ച വിനയ് ഉണർന്നത് മുനീറയുടെ കമന്റും അവളുടെ ഉപ്പയുടെ ചിരിയും കെട്ടിട്ടാണ്. ഒരു ചമ്മിയ ചിരിയോടെ അവൻ സിറ്റ് ഔട്ടിലേക്ക് കയറി.
“അതു ശരി അപ്പോഴേക്കും ബ്രോക്കർ വീട്ടിലേക്ക് കയറിയോ?” മുനീറ തമാശ തുടർന്നു.