പാറുവും ഞാനും തമ്മിൽ 13 [മാർക്കസ്] 128

ഇനി എന്ത്????? എന്നെ സംബന്ധിച്ച് അതാണ് ഏറ്റവും വെല്ല്യ ചോദ്യം.

ഇതിനിടയിൽ എന്നെ അഞ്ചു ഒരു 15 തവണയെങ്കിലും വിളിച്ചിട്ടുണ്ടാവും. ഞാൻ എടുത്തില്ല.

പാറുവിന്റെ മനസ്സ് മാറും എന്ന ഒറ്റ പ്രതീക്ഷയിൽ ഞാൻ ആ രാത്രി ഉറങ്ങാതെ ഇരുന്നു, എപ്പോഴോ മയങ്ങി, ഇടയ്ക്ക് എഴുന്നേറ്റ് ഫോൺ നോക്കും അഞ്ചു 5 miss call, അത്രേ ഉള്ളൂ.

നേരം വെളുക്കുന്നവരെ ഞാൻ അങ്ങനെ ഇരുന്നു. 7 മണി ആയപ്പോൾ calling bell ശബ്ദം മുഴങ്ങി. എനിക്കറിയാം അത് അഞ്ചു തന്നെ ആണ്.

ഞാൻ കതക് തുറന്നു, അവൾ ഉള്ളിലേക്ക് കേറി

ഞാൻ: അഞ്ചു, നീ ഒന്നും ചെയ്യേണ്ട, ഇനി ഒന്നും പറയേണ്ട, പാറുനെ എനിക്ക് നന്നായി അറിയാം, അവൾ ഒന്ന് തീരുമാനിച്ചാൽ പിന്നെ അവൾ തന്നെ അത് മാറ്റണം അല്ലാതെ വേറെ വഴിയില്ല. നീ പൊയ്ക്കോളൂ. ഞാൻ ഇനിമുതൽ work from home ആണ്. എനിക്ക് കുറച്ച് space വേണം.

അഞ്ചു: (നിറക്കണ്ണുകളോടെ ഉറക്കെ) I AM SORRY രോഹൻ, എന്നോട് ക്ഷമിക്കണം.

ഞാൻ എന്ത് പറയാനാ, ഒന്നും പറഞ്ഞില്ല.

ഞാൻ: പൊയ്ക്കോളൂ…..

അവൾ പോയി. ആകെ വല്ലാത്ത ഒരു നിശബ്ദത. ആ ദിവസവും കഴിഞ്ഞു, ഞാൻ അന്ന് leave എടുത്തു, അടുത്ത ദിവസവും leave, അങ്ങനെ ഒരു 3 ദിവസം leave ആക്കി, എനിക്ക് എന്നെത്തന്നെ നഷ്ടപ്പെടുന്നു എന്ന് എപ്പോഴോ മദ്യപിക്കുമ്പോൾ ഓർമ വന്നു, തിരിച്ച് ജോലിയിൽ കേറാം, ഇനിയെല്ലാം വരുന്നിടത്തുവെച്ചു കാണാം എന്നായി എന്റെ തീരുമാനം, പാറു പോയി, ഇനി അവൾ വിചാരിച്ചാൽ തിരികെ വരും, അതല്ലെങ്കിൽ അത് ഒരു അടഞ്ഞ അധ്യായം ആയി കണക്കാക്കാം.