പകുതി പൂക്കുന്ന പാരിജാതങ്ങൾ 5 [സ്പൾബർ] 950

“ഇതിന് മുൻപും മോഷണം പോയിട്ടുണ്ടോ..?’..

മിയ മാർട്ടിനോട് ചോദിച്ചു..

“രണ്ട് ദിവസം മുൻപാ ഞാൻ ശ്രദ്ധിച്ച് തുടങ്ങിയത്… എന്ന് തുടങ്ങിയതാണെന്ന് മനസിലായിട്ടില്ല…”

“അവന്റെ കൂടെ ആരെങ്കിലുമുണ്ടോടാ….?”..

“അതാ സുരേഷുണ്ട്… കവലയിൽ വണ്ടിയോടുന്ന…”

“ ഉം.. ആദ്യം അവനെ പുറത്തിറക്ക്…”

മാർട്ടിൻ ഷെഡിലേക്ക് കയറി..

“സുരേഷേ…”

മാർട്ടിൻ പുറത്ത് നിന്ന് വിളിച്ചു…

“ചേട്ടാ…”

സുരേഷ് പേടിയോടെ അകത്ത് നിന്ന് വിളികേട്ടു…

“ നീയീ വാതിലിനടുത്തേക്ക് വാ..നീ മാത്രം…ചന്ദ്രേട്ടാ.. അതി ബുദ്ധി കാണിക്കണ്ട… അടങ്ങിയവിടെ നിന്നോ…”

ഭീഷണിയുടെ സ്വരത്തിൽ പറഞ്ഞ് മാർട്ടിൻ വാതിൽ പതിയെ തുറന്നു..

എങ്കിലും തിക്കിത്തിരക്കി പുറത്തേക്ക് വന്നത് ചന്ദ്രനാണ്.. മാർട്ടിൻ കാലുയർത്തി ഒറ്റച്ചവിട്ട്.. അവൻ മുറിയിലേക്ക് തന്നെ തെറിച്ച് വീണു.. മാർട്ടിൻ, സുരേഷിനെ പിടിച്ച് പുറത്തിറക്കി വാതിലടച്ച് പൂട്ടി..

അവൻ കൈ നീട്ടി സുരേഷിന്റെ മുഖം നോക്കി ഒറ്റയടി..അവൻ മുന്നിൽ നിൽക്കുകയായിരുന്ന സണ്ണിയുടെ ദേഹത്തേക്ക് തെറിച്ച് ചെന്നു.. സണ്ണിയും കൊടുത്തു കൈ നീട്ടിഒരെണ്ണം..പിന്നെ അവന്റെ കഴുത്തിന് പിടിച്ച് നിർത്തി..

“പറയെടാ… ചന്ദ്രൻ മോഷ്ടിക്കാനാണ് വരുന്നതെന്ന് നിനക്കറിയായിരുന്നില്ലേ….?”..

സണ്ണി അമറുന്ന സ്വരത്തിൽ ചോദിച്ചു..

“ഇല്ലിച്ചായാ… എനിക്കറിയില്ലായിരുന്നു.. എന്നെ അയാൾ ട്രിപ്പ് വിളിച്ചതാ..രാവിലെ അയാൾക്കെവിടെയോ പോകാനുണ്ടെന്നും, രാത്രി തന്നെ ഷീറ്റ് വണ്ടിയിൽ കയറ്റി, വണ്ടി എന്റെ വീട്ടിൽ കൊണ്ട് പോയി നിർത്തണമെന്നും പറഞ്ഞു…”