പണി 3 [അങ്കിൾ ജോയ്] 119

 

​”നമുക്ക് തള്ളി തുറന്ന് നോക്കിയാലോ?”

 

നാസർ വാതിലിന് അടുത്തേക്ക് നീങ്ങി.

 

​ടക്… ടക്… ടക്!

 

 

​പെട്ടെന്ന് അടുക്കള ഭാഗത്ത് നിന്ന് എന്തോ പാത്രങ്ങൾ താഴെ വീഴുന്ന കഠിനമായ ശബ്ദം കേട്ടു. ആരോ അവിടെ ഉണ്ടെന്നത് പോലെ! വിഷ്ണുവും കിരണും പോയ വണ്ടി തിരികെ വന്നിട്ടില്ലെന്ന് അവർക്ക് ഉറപ്പായിരുന്നു. പിന്നെ ആരാണ് അവിടെ?

​അടുക്കളയിൽ നിന്ന് എന്തോ ഒന്ന് നിലത്തുകൂടി വലിച്ചിഴക്കുന്ന ശബ്ദം കൂടി കേട്ടതോടെ അവരുടെ ഉള്ളിലെ ലഹരി ആവിയായിപ്പോയി. ആ പഴയ ഫ്ലാറ്റിലെ നിഗൂഢതകൾ ഈ വീട്ടിലേക്കും എത്തിയതുപോലെ.

 

​”എടാ… ഇവിടെന്തോ കുഴപ്പമുണ്ട് മാറ്റാരോ അവിടെയുണ്ട് . നമുക്ക് പോകാം!”

 

അനന്തുവിന്റെ ശബ്ദം വിറച്ചു.

​നാസറും സാമും ഒന്നും ആലോചിച്ചില്ല. ആ ഭയം അവരെ കീഴടക്കിയിരുന്നു. അവർ വേഗം വീടിന് പുറത്തേക്ക് ഓടി, ബുള്ളറ്റ് സ്റ്റാർട്ട് ചെയ്ത് ആ രാത്രിയുടെ ഇരുട്ടിലേക്ക് മറഞ്ഞു. അവർ പോയിക്കഴിഞ്ഞപ്പോൾ, അടച്ചിട്ട ആ മുറിക്കുള്ളിൽ നിന്ന് ആരുടെയോ ഒരു നേർത്ത ഒരു ചിരി ഉയർന്നു കേട്ടു.

 

 

……….

 

​ആ ഭിക്ഷക്കാരന്റെ വാക്കുകളും ഫ്ലാറ്റിൽ നിന്ന് കിട്ടിയ ഷാളും വിഷ്ണുവിനെയും കിരണിനെയും വല്ലാതെ ഉലച്ചുകളഞ്ഞു.

 

 

“എടാ നീ വണ്ടിയെടുക്ക് എനിക്കൊരു കാര്യം അറിഞ്ഞേ പറ്റു”

 

“എന്താ കിരൺ കാര്യം പറ’

 

“നിന്റെ അ വണ്ടി എവിടെയാ”

 

“വർഷോപ്പിൽ ഉണ്ട്”

 

“നീ വാ എനിക്കൊന്നു അ വണ്ടി നോക്കണം”

 

“ഓക്കേ”

 

സത്യം തേടിയുള്ള അവരുടെ യാത്ര നേരെ എത്തിയത് അപകടത്തിൽ തകർന്ന കാർ കിടക്കുന്ന വർക്ക്ഷോപ്പിലേക്കാണ്. ആ രാത്രിയിൽ അവർ നടത്തിയ ആ പരിശോധന ഞെട്ടിക്കുന്ന ചില സത്യങ്ങൾ പുറത്തുകൊണ്ടുവന്നു.