പണി 4 [അങ്കിൾ ജോയ്] 43

ചിന്തകൾ അലട്ടിയ നിമിഷം…

​അവൻ വേഗം ആ മുറിക്ക് മുന്നിലെത്തി വാതിലിൽ ആഞ്ഞു തട്ടി.

“നക്ഷത്രാ… വാതിൽ തുറക്ക്! ആരാണ് ആ ഹെഡ്‌സെറ്റിലൂടെ നിനക്ക് നിർദ്ദേശങ്ങൾ നൽകുന്നത്? എന്തിനാണ് നീ ഇതൊക്കെ ചെയ്യുന്നത് പറയടി എന്നോട് ? ”

​വിഷ്ണുവിന്റെ ആക്രോശത്തിന് മറുപടിയായി വാതിലിന് അപ്പുറത്ത് നിന്ന് കഠിനമായ ഒരു തേങ്ങൽ മാത്രമേ കേൾക്കുന്നുണ്ടായിരുന്നുള്ളൂ.

ആ പഴയ ഫ്ലാറ്റിലെ നിഗൂഢതകൾ ഇപ്പോൾ ആ ഹെഡ്‌സെറ്റിലേക്ക് ചുരുങ്ങിയിരിക്കുന്നു. നക്ഷത്ര എന്തോ വലിയൊരു കെണിയിൽ അകപ്പെട്ടിരിക്കുകയാണെന്നും, അവൾ ബ്ലാക്ക്‌മെയിൽ ചെയ്യപ്പെടുകയാണെന്നും വിഷ്ണുവിന് തോന്നിത്തുടങ്ങി.​

അതൊക്കെ ഓർത്തുകൊണ്ട് വിഷ്ണുവിന് ആ രാത്രി ഒട്ടും സുഖകരമായിരുന്നില്ല. സോഫയിൽ തളർന്നിരുന്ന് ഓരോന്നാലോചിച്ച അവൻ എപ്പോഴോ ഉറക്കത്തിലേക്ക് വഴുതി വീണു.

​https://i.supaimg.com/6453e13c-e1e2-4a35-8654-b4061bf96329.jpg

പുലർച്ചെ വെളിച്ചം മുഖത്തടിച്ചപ്പോഴാണ് വിഷ്ണു പതുക്കെ കണ്ണുതുറന്നത്. ആരോ തന്റെ തോളിൽ പതുക്കെ തട്ടുന്നു. നോക്കുമ്പോൾ നക്ഷത്രയാണ്! കൈയ്യിൽ ഒരു കപ്പ് ചായയുമായി അവൾ നിൽക്കുന്നു. അവളുടെ മുഖത്ത് പഴയ ആ ശാന്തതയും പുഞ്ചിരിയും തിരിച്ചെത്തിയിരിക്കുന്നു.

​”വിഷ്ണൂവേട്ടാ … എഴുന്നേൽക്കൂ, ചായ കുടിക്ക്.”

അവൾ വളരെ സ്വാഭാവികമായി പറഞ്ഞു.

​തലേന്ന് രാത്രി താൻ അവളെ തല്ലിയതോ, അവൾ മറ്റൊരു മുറിയിൽ ഓടിക്കയറി കരഞ്ഞതോ ഒന്നും നടന്നിട്ടില്ലാത്ത മട്ടിലാണ് അവളുടെ പെരുമാറ്റം. പക്ഷേ, അവളുടെ കണ്ണുകൾ വീർത്തിരിക്കുന്നുണ്ട് ഗോതമ്പു നിറമുള്ള കവിളിൽ താൻ തല്ലിയ ഭാഗം ചെറുതായി ചുവന്നും കിടപ്പുണ്ട്